шаблоны joomla сайт визитка
Скачать Joomla 3 шаблоны бесплатно

UNİVERSİTET

TƏDRİS

Elm

TƏLƏBƏ

BEYNƏLXALQ ƏLAQƏLƏR VƏ İNKİŞAF

E-ADPU

E-Təhsil

Soltan Hacıbəyovun 100 illik yubileyinə

Musiqi, təsviri incəsənət, fiziki tərbiyə  və  çağırışaqədərki hazırlıq  fakültəsinSoltan Hacıbəyovun 100 illik yubileyinə həsr olunmuş tədbir

“Elm günü”nün  təsis  edilməsi haqqında Azərbaycan Respublikası Prezidentinin  9 aprel 2018-ci il tarixli  Sərəncamının  icrası  ilə  əlaqədar  olaraq Azərbaycan  Dövlət Pedaqoji Universitetində (ADPU)  silsilə  tədbirlər  həyata keçirilir. Martın 18-də Musiqi, təsviri incəsənət, fiziki tərbiyə  və  çağırışaqədərki hazırlıq  fakültəsinin Musiqi və onun tədrisi metodikası kafedrasında keçirilən növbəti tədbir Azərbaycanın görkəmli bəstəkarı, ictimai xadim, SSRİ və Azərbaycan Respublikasının Xalq artisti, Dövlət mükafatı laureatı, Sosialist Əməyi  Qəhrəmanı, pedaqoq Soltan Hacıbəyovun 100 illik yubileyinə həsr olunub.

Musiqi və onun tədrisi  metodikası kafedrasının mudiri, professor Zemfira Abdullayeva qonaqları salamlayaraq sözü ADPU-nun rektoru, professor Cəfər Cəfərova verib. Rektor Cəfər Cəfərov qeyd edib ki, müasir musiqi mədəniyyəti xəzinəmizə misilsiz töhfələr vermiş  S.Hacıbəyov milli musiqi sənətində aparıcı simalardan biridir. S.Hacıbəyovun özünəməxsus orijinal yaradıcılığı ölkəmizdə və onun hüdudlarından kənarda şöhrət qazanmışdır.

          Fikrət Əmirov, Qara Qarayev, Cövdət Hacıyev və  dövrünün bir  çox bəstəkarları kimi S.Hacıbəyov da öz yaradıcılığında Azərbaycanın musiqi klassikləri olan Üzeyir Hacıbəyli və Müslüm Maqomayevin ənənələrinə sadiq qalaraq, milli formalar sahəsindəki axtarışlarını inkişaf etdirmiş, Azərbaycan simfonik musiqisinin inkişafında mühüm rol oynamışdır. S. Hacıbəyov müasir mövzuda ilk milli baletin müəllifi kimi tanınmışdır.

          S.Hacıbəyovun bir çox əsərləri respublikamızın ictimaiyyəti tərəfindən yüksək qiymətləndirilərək, tez bir zamanda populyar əsərlər sırasına daxil olmuşdur. Onun “Karvan” simfonik lövhəsi respublikamızın hüdudlarından kənarda səslənmişdir. Bu əsər müasir dövrümüzdə də səslənərək  müəllifinə şöhrət gətirir. Bəstəkarın “Gülşən”  baleti SSRİ Dövlət mükafatına layiq görülmüşdür.

  1. S. Hacıbəyov istedadlı bəstəkar olmaqla yanaşı, musiqi sahəsində görkəmli ictimai xadim, gözəl təşkilatçı idi. O, Azərbaycan Dövlət Flarmoniyasının bədii rəhbəri, direktoru, Bəstəkarlar İttifaqının birinci katibi,1963-cü ildən İdarə Heyətinin üzvü, Azərbaycan Dövlət Konservatoriyasının rektoru olmuşdur.

Sonra söz S.Hacıbəyovun gəlini, Bakı Musiqi Akademiyasının professoru, Xalq artisti Ülviyyə Hacıbəyovaya verilib. Professor Ü.Hacıbəyova çıxışında tədbirin keçirilməsinə  görə universitetin rəhbərliyinə dərin təşəkkürünü  bildirib, bəstəkarla bağlı xatirələrini bölüşüb və royal arxasına keçərək S.Hacıbəyovun əsərini ifa edib.

Bakı Musiqi Akademiyasının Elmi işlər üzrə prorektoru, Əməkdar incəsənət xadimi, professor  Gülnaz Abdullazadə çıxış edərək bəstəkarın ictimai fəaliyyəti, həmçinin Azərbaycan Dövlət Konservatoriyasının rektoru kimi fəaliyyətindən danışıb.

Azərbaycan Dövlət Mədəniyyət və İncəsənət Universitetinin dosenti Gülnar Verdiyeva "Soltan Hacıbəyovun yaradıcılığının səciyyəvi xüsusiyyətləri" mövzusunda çıxışında onun yaradıcılığının dərin köklərlə milli musiqiyə bağlı olduğunu vurğulayıb.

Sonra bəstəkarın iki vokal əsəri Azərbaycan Dövlət Mədəniyyət və İncəsənət Universitetin tələbələrinin  ifasinda səsləndirilib.

Tədbirin sonunda professor Minara Dadaşova və dosent Afət Həsənova bəstəkarın simfonik əsərləri barədə maraqlı məruzələrlə çıxış ediblər.

ADPU-nun İctimaiyyətlə əlaqələr və marketinq şöbəsi