шаблоны joomla сайт визитка
Скачать Joomla 3 шаблоны бесплатно

UNİVERSİTET

TƏDRİS

Elm

TƏLƏBƏ

BEYNƏLXALQ ƏLAQƏLƏR VƏ İNKİŞAF

E-ADPU

E-Təhsil

E-kitabxana

UNİVERSİTET

Elanlar

“Fransız dilində dinləmə və danışma” kursları təşkil olunacaq

Xarici  Dillər Mərkəzi elan edir

ADPU-nun I kurs tələbələrinin nəzərinə

28.10.2019-cu il tarixindən həftənin I və III günləri 

saat 13:20-dən 14:20-ə qədər

“Fransız dilində dinləmə və danışma” kursları təşkil olunacaq

Kurslarda iştirak etmək istəyən I kurs tələbələri qeydiyyatdan

keçmək üçün ADPU-nun Sahil korpusunda (Üzeyir Hacıbəyov 34)

233-cü otağa müraciət edə bilərlər.

APPRENEZ LE FRANÇAİS AVEC NOUS

 

 

 

 

 

 

 

“İngilis dilində dinləmə və danışma” kursları

Xarici Dillər Mərkəzi

elan edir

ADPU-nun  I kurs tələbələrinin nəzərinə

01.10.2019-cu il tarixindən

həftənin II və IV günləri

saat 13:30-dan 14:30-a qədər

“İngilis dilində dinləmə və danışma” kursları təşkil olunacaq

 Kurslarda iştirak etmək istəyən I kurs tələbələri qeydiyyatdan keçmək üçün ADPU-nun Sahil koprusunda 233-cü otağa müraciət edə bilərlər.

 

Azərbaycan Dövlət Pedaqoji Universitetin (ADPU) Quba Filialında oktyabrın 16-da Müstəqilliyimizin 28-ci ildönümünə həsr edilmiş tədbir keçirilib. Azərbaycan Respublikasının Dövlət Himninin səsləndirilməsi ilə başlanan tədbiri giriş nitqi ilə açan filialın Tərbiyə işləri üzrə direktor müavini Aysel Şeydayeva müstəqilliyimizin tarixindən danışaraq ulu öndər Heydər Əliyevin “Dövlət müstəqilliyimiz Azərbaycan xalqının milli sərvətidir” kəlamı ilə davam etdirib. Aysel Şeydayeva qeyd edib ki, xalqımız müstəqilliyi çətinliklər, qanlar, canlar bahasına qazansa da, onu qoruyub saxlamaqda daha böyük çətinliklərlə üzləşmişdir. 70 il Sovet İmperiyasının tərkibində yaşayan Azərbaycan müstəqilliyini əldə etdikdən sonra həm daxildən, həm də xaricdən böyük təzyiqlərə məruz qalmışdır. Əgər Azərbaycan xalqının böyük oğlu ulu öndər Heydər Əliyev olmasaydı bu gün XX yüz ildə ikinci dəfə müstəqillik əldə etmiş dövlətimizdə 1918-ci ildə əldə edilən müstəqilliyimiz kimi çox qısa ömür yaşayacaqdır. Çox şükürlər olsun ki, bu gün dünyada öz nüfuzu, siyasi xətti, güclü ordusu, mükəmməl iqtisadiyyatı olan müstəqil, qüdrətli dövlətimiz var. A.Şeydayeva bundan sonra bu müstəqilliyin qorunub saxlanması yönündə Heydər Əliyev ideologiyası ətrafında sıx birləşməyin vacib olduğunu bildirib.

Tədbirdə çıxış edən Pedaqoji və ictimai fənlər kafedrasının baş müəllimi doktorant Mürvət Əliyev lap qədim dövrlərdən etibarən Azərbaycanın müstəqillik ideyalarını xatırladaraq tarixə qısa səyahət edib. O qeyd edib ki, Azərbaycan ərazisində həmişə qüdrətli dövlətlər yaranmış, tarixdə silinməz, dərin izlər buraxmışdır. Həmçinin o, tələbələrə tariximizi dərindən öyrənməyi və gələcək nəsillərə ötürməyi tövsiyə edib.

Sonra tədbirdə Pedaqoji və ictimai fənlər kafedrasının müəllimi Novruz Kərimov çıxış edərək müstəqilliyimiz əldə olunandan sonra ümummilli lider Heydər Əliyevin müstəqilliyimizi qorumaq üçün etdiyi böyük işlərdən danışıb. O, qeyd edib ki, müstəqillik əldə etmək çox çətin bir iş olsa da, onu qorumaq daha çətin bir proses idi.

Daha sonra isə “Tarix və coğrafiya müəllimliyi” ixtisasının II tədris ili tələbəsi Aydan Bayramova çıxış edib, Aydan Bayramova bildirib ki, “XX əsrin sonlarında SSRİ-nin dağılması ilə yaranan tarixi şərait nəticəsində Azərbaycan dövlət müstəqilliyini bərpa etmişdir. 1991-ci il oktyabrın 8-də Azərbaycan Ali Sovetinin işə başlanan növbədənkənar sessiyası 4 gün müzakirələr aparıb. Nəhayət, 1991-ci il oktyabrın 18-də Ali Sovetin sessiyasında tarixi sənəd - Dövlət Müstəqilliyi haqqında Konstitusiya Aktı qəbul edilib. Həmin vaxt aktın lehinə Ali Sovetin 360 deputatından 258-i səs verir, yerdə qalanlar ya sessiyaya qatılmayıb, ya da onun əleyhinə səs veriblər. Konstitusiya Aktında göstərilib ki, müstəqil Azərbaycan dövləti 1918-1920-ci illərdə mövcud olmuş Azərbaycan Xalq Cümhuriyyətinin hüquqi varisidir. Konstitusiya Aktı 6 fəsil, 32 maddədən ibarətdir. 1991-ci il dekabrın 29-da ümumxalq referendumunda məsələ müzakirəyə çıxarılıb və əhalinin 95%-i səsvermədə iştirak edərək ölkənin müstəqilliyinə, suverenliyinə və istiqlaliyyətinə səs verib. Azərbaycanın müstəqilliyi bərpa olunandan sonra dövlət bayrağı, himni və gerbi yaradılıb.

Sonda isə “Pedaqoji və ictimai fənlər” kafedrasının müəllimi Novruz Kərimov müstəqilliyimiz əldə olunandan sonra ümumilli lider Heydər Əliyevin müstəqilliyimizi qorumaq üçün etdiyi böyük işlərdən söz açıb. Novruz Kərimov qeyd edib ki, müstəqillik əldə etmək çox çətin bir iş olsa da onu qorumaq daha çətin bir proses idi. Ümumilli liderimiz Heydər Əliyev bu işin öhdəsindən layiqincə gələrək xalqımızı xoşbəxt gələcəyə çıxardı.

İctimaiyyətlə əlaqələr və marketinq şöbəsi

   Oktyabrın 18-də Azərbaycan Dövlət Pedaqoji Universitetinin (ADPU) Ağcabədi Filialında 18 Oktyabr-Azərbaycan Dövlət Müstəqilliyi Günü münasibətilə “Müstəqilliyimiz daimidir, əbədidir və dönməzdir” mövzusunda elmi-praktik konfrans keçirilib. Konfransda filialın professor-müəllim heyəti, pedaqoji fakültənin tələbələri və Ağcabədi rayon İcra Hakimiyyətinin İctimai-siyasi və Humanitar məsələlər şöbəsinin müdir müavini Təyyar Hacıyev iştirak ediblər. Tədbirdə əvvəlcə Azərbaycan Respublikasının Dövlət Himni səsləndirilib.

  Konfransı giriş sözü ilə açan filialın Tədris və elmi işlər üzrə direktor müavini, dosent Seymur Süleymanov konfrans iştirakçılarını gündəliklə tanış edib.

Tədbirdə dosent Mahir Səlimov “Heydər Əliyev Müstəqil Azərbaycanın Dövlətinin  memarıdır” mövzusunda, dosent Məhəmməd Hüseynov “Müstəqil Azərbaycan Dövləti Beynəlxalq aləmdə “ mövzusunda,  dosent Tahir Kərimli, “Milli təhsilimiz müstəqillik dövründə” mövzusunda, dosent Sahib Zeynalov isə “Azərbaycan elmi müstəqillik illərində” mövzusunda məruzələrlə çıxış ediblər.

Sonda çıxış edən Ağcabədi rayon İcra Hakimiyyətinin İctimai-siyasi və Humanitar məsələlər şöbəsinin müdir müavini Təyyar Hacıyev konfrans iştirakçılarını bayram münasibətilə təbrik edib və dövlət müstəqilliyimizin yaranma aspektlərinə öz münasibətini bildirib.

İctimaiyyətlə əlaqələr və marketinq şöbəsi

Oktyabrın 18-də Azərbaycan Dövlət Pedaqoji Universitetinin (ADPU) Kitabxana-İnformasiya Mərkəzində növbəti kitab sərgisi ilə bağlı tədbir keçirilib. Tədbirdə ADPU-nun rektoru professor Cəfər Cəfərov, Elm və innovasiyalar üzrə prorektor professor Asəf Zamanov, Sosial və humanitar məsələlər üzrə prorektor Fikrət Rzayev və Kitabxana-İnformasiya Mərkəzinin əməkdaşları iştirak ediblər.

Məlumat üçün bildirək ki, ADPU-nun Kimya və biologiya fakültəsinin Fiziologiya kafedrasının professoru Məmməd Qarayev öz şəxsi kitabxanasını universitetə hədiyyə etmişdir. Bununla bağlı təşkil olunmuş sərgidə professorun müəllifi olduğu 14 adda 184 nüsxə dərslik və dərs vəsaiti, o cümlədən kimya elminə dair 151 adda 156 nüsxə kitablar öz əksini tapmışdır.

Tədbirdə çıxış edən ADPU-nun rektoru, professor Cəfər Cəfərov bu gün universitetin həyatında əlamətdar bir gün olduğunu bildirib. Qeyd edib ki, Professor Məmməd Qarayevin öz şəxsi kitabxanasını universitetə bağışlaması və bugünkü sərginin keçirilməsi təqdirəlayiq bir hadisədir. Rektor çıxışında professor M.Qarayevə öz şəxsi kitabxanasını bağışladığına görə təşəkkür edib və bu mədəniyyətin davam etdirilməsinin vacib olduğunu deyib. Rektor çıxışının sonunda Kitabxana-İnformasiya Mərkəzinin fəaliyyətinin təkmilləşdirilməsi və müasir tələblərə uyğun qurulması üçün tapşırıq və tövsiyələrini verib.

Tədbirdə Elm və innovasiyalar üzrə prorektor professor Asəf Zamanov və Sosial və humanitar məsələlər üzrə prorektor, professor Fikrət Rzayev dərsliklərin hazırlanması və bu sahədə qarşıda duran vəzifələrlə bağlı öz fikirlərini bölüşüblər.

İctimaiyyətlə əlaqələr və marketinq şöbəsi

Oktyabrın 16-da Azərbaycan Dövlət Pedaqoji Universitetinin (ADPU) Quba Filialında “Kitab klub”un açılış mərasimi keçirilib. Tədbirdə filialın direktoru dosent Yusif Alıyev, Tərbiyə işləri üzrə direktor müavini Aysel Şeydayeva, Pedaqoji fakültənin dekanı Qələmşah İdrisov, filialın professor-müəllimləri və tələbələr iştirak ediblər. Tədbirə, həmçinin məşhur “Azərbaycan bayrağı” şeirinin müəllifi tanınmış şair Ramiz Qusarçaylı da dəvət olunub.


İdeya müəllifi dosent Yusif Alıyev olan “Kitab klub” filial əməkdaşlarının və tələbələrin təşəbbüsü və təşkilatçılığı ilə ərsəyə gəlib. “Kitab klub”un əsas məqsədi tələbələrdə və həmçinin filial əməkdaşlarında kitab oxumağa, kitabı sevməyə həvəs yaratmaq və onları bədii, elmi və digər üslubda olan kitablarla təmin etməkdir. Bunun üçün “Kitab klub”un fəaliyyət göstərməsi üçün ayrıca otaq ayrılmış və orada müxtəlif növ kitablar toplanaraq oxuculara təqdim olunacaq.

Tədbiri giriş sözü ilə Aysel Şeydayeva açaraq filialın həyatında böyük önəm kəsb edən hadisədən danışıb. Qeyd edib ki, dosent Yusif Alıyevin ideyası əsasında ərsəyə gələn “Kitab klub” filialın bütün ictimai, elmi və sosial həyatına təsir edərək hər kəsdə kitab oxuma mədəniyyətini formalaşdıracaq.

Filialın direktoru dosent Yusif Alıyev çıxış edərək belə möhtəşəm bir işi ərsəyə gətirdiyinə görə əməyi keçən hər kəsə təşəkkür edib. Y.Alıyev kitab oxumağın faydalarını, “Kitab klub”un yaranma məqsədini çıxışında xüsusi vurğulayıb. Bildirib ki, Bu gün böyük Pedaqoji Universitet ailəsinin bir qolu olan filialımızda ərsəyə gələn bu klub sözün əsl mənasında filialın həyatında bir tarix yazır. Əgər üç adam bir araya gəlib dövlətə, cəmiyyətə xidmət etmək məqsədilə çalışırsa, bu alqışlanmalıdır. Bizim filialımızın tələbələri və əməkdaşları da bir araya gələrək, böyük ali məqsədlərə doğru addım atırlar. Belə qüdrətli bir dövlətə layiqli vətəndaş olmaq üçün biz öz savadımızla birləşməliyik. Biz imkan verməməliyik ki, milli-mənəvi, əxlaqi dəyərlərimiz zədələnsin, aşılansın. Düşmənə silahla bərabər, biz intellektlə də cavab verməliyik. Y.Alıyev üzünü tələbələrə tutaraq, bildirib ki, Azərbaycan Respublikasının Prezidenti cənab İlham Əliyevin diqqət və qayğısı nəticəsində sizlər üçün hər cür şərait yaradılıb. Buna görə də siz universitetdə yaranan hər bir şəraitdən öz təhsilinizin, tədrisinizin inkişafı üçün yararlanmalısınız. Ona görə də siz yaxşı oxumalı, öyrənməlisiz.

Daha sonra çıxış edən Ramiz Qusarçaylı dəvət üçün öz təşəkkürünü bildirərək, çox gözəl bir ifadə ilə sözə başladı: Kitab oxuyarkən kitabın içərisindəkiləri çəkib çıxarmaq lazımdır. O, ADPU-nun Quba filialınının ən yüksək nüfuzlu universitetlərdən biri olduğunu və tələblərin yüksək səviyyəli təhsili üçün hər cür şəraitin mövcud olduğun bildirib. Universitetdə yeni yaradılan “Kitab klub”un fəaliyyəti də tələbələrin intellekt səviyyəsinin artmasına gətirib çıxaracaq. Şair həmçinin onu yazmağa ilhamlandıran hadisələrdən və yaşadığı çətinliklərdən söz açıb. R.Qusarçaylı qatıldığı müxtəlif festivallarda, getdiyi ölkələrdə rastlaşdığı maraqlı və ibrətamiz məqamları gənclərlə bölüşüb. R.Qusarçaylı türk-müsəlman dünyasını bir ağaca, ayrı-ayrı ölkələri isə həmin ağacın budaqlarına bənzədərək, gənclərə tövsiyə edib ki, həmin ağacın Azərbaycan budağını yaşıllaşdıraq, qurumağına imkan verməyək. Tələbələr də öz suallarını şairə üvanlamış və bir-neçə şeirini söyləməsini xahiş ediblər. Haqqında 700-ə yaxın şeir, məqalə, 5 kitab yazılan R.Qusarçaylı qeyd edib ki, müəllifi olduğu "Azərbaycan bayrağı" şeirini 5 il müddətində yazıb.

Sonra isə çıxış üçün söz Pedaqoji fakültənin dekanı Qələmşah İdrisova verilib. Qələmşah İdrisov kitab oxuyarkən, kitabdan aldığı zövqdən bəhs edərək, kitabın böyük mahiyyətini açıb. Müxtəlif kitab və çoxlu sayda məqalələrin müəllifi olan Qələmşah İdrisov öz ustadı Azərbaycanın dilçi alim Qəzənfər Kazımov haqqında yazdığı şeiri səsləndirib. O, həmçinin tələbələrin potensialını üzə çıxararaq, onlara hər zaman dəstək olmağın vacibliyini bildirib.

Tədbirin sonunda tələbələr müxtəlif şeir və qəzəllər söyləyərək tədbirə rəng qatıblar.

İctimaiyyətlə əlaqələr və marketinq şöbəsi

Azərbaycan Dövlət Pedaqoji Universitetinin (ADPU) Tələbə Həmkarlar İttifaqı Komitəsinin və Məktəbəqədər təhsil fakültəsinin təşkilatçılığı ilə tanınmış psixoloq Lalə Həmidlinin təqdimatında universitetin tələbələri üçün “Psixologiyanın əsasları” seminarı keçirilib. Seminar zamanı insanların alt şüuru, eqo, super eqo və s. bu kimi mövzulara toxunulub.

Seminarda fəal iştirak edən 3 tələbəyə Təbriz Hacinski və Lalə Həmidlinin imzası olan 3 kitab hədiyyə edilib.

Sonda tələbələrin sualları cavablandırılıb.

İctimaiyyətlə əlaqələr və marketinq şöbəsi