шаблоны joomla сайт визитка
Скачать Joomla 3 шаблоны бесплатно

UNİVERSİTET

TƏDRİS

Elm

TƏLƏBƏ

BEYNƏLXALQ ƏLAQƏLƏR VƏ İNKİŞAF

E-ADPU

E-Təhsil

UNİVERSİTET

Elanlar

Məzun günü

Məzun günü

Azərbaycan Dövlət Pedaqoji Universitetinin 1 nömrəli tədris binasının həyətində 2019-cu il  iyun ayının 28-də,  saat 18:00-da  Məzun günü   keçiriləcək.

İctimaiyyətlə əlaqələr və marketinq şöbəsi

Gənclər Fondu təhsil haqqının qarşılanması üçün növbəti ərizə qəbulunu elan edir

Gənclər Fondu təhsil haqqının qarşılanması üçün növbəti ərizə qəbulunu elan edir

Azərbaycan Respublikası Prezidentinin müvafiq göstərişinə əsasən Gənclər Fondu sosial müdafiəyə xüsusi ehtiyacı olan istedadlı gənclərin təhsil xərclərinin maliyyələşdirilməsi üzrə növbəti müsabiqəyə start verir.

Ötən il ölkənin 31 ali dövlət ali təhsil müəssisəsində təhsil alan 237 nəfər  tələbənin təhsil haqqı borcları müsabiqə əsasında Gənclər Fondu tərəfindən qarşılanıb. 

Bu il müsabiqədə iştirak etmək istəyənlər Gənclər Fondunun rəsmi (www.youthfoundation.az) saytında qeydiyyatdan keçib, kod və şifrə əldə etdikdən sonra, saytın elektron xidmətlər bölməsində yerləşdirilmiş ərizə formasını müvafiq qaydada doldurub, sayt üzərindən Gənclər Fonduna göndərməlidirlər.

1

Maliyyələşmə 2018-2019 və 2019-2020-ci tədris ili üçün nəzərdə tutulmuş təhsil haqqı xərclərinin tam və ya qismən qarşılanmasını nəzərdə tutur.

Müsabiqə zamanı tələbənin davamiyyəti və təhsil göstəriciləri əsas götürülür.

Müsabiqəyə 31 dövlət ali təhsil müəssisəsinin və onların filliallarında, əlavə olaraq bu il üçün nəzərdə tutulmuş 54 dövlət orta ixtisas təhsili müəssisəsinin əyani/qiyabi təhsilalma formaları üzrə, bakalavr/magistr təhsil səviyyələrində olan tələbələr müraciət edə bilərlər.

Müraciətlər 19 iyul 2019-cu il saat 18:00-dək qəbul ediləcək.

Ətraflı məlumat üçün: https://youthfoundation.az/48130

Gənclər Fondu gəncləri müsabiqədə fəal iştirak etməyə və dövlət tərəfindən yaradılmış bu müstəsna imkandan yararlanmağa dəvət edir.

İctimaiyyətlə əlaqələr və marketinq şöbəsi

2018/2019-cu tədris ilində əyani formada təhsil alan magistrantların dissertasiya işlərinin müdafiə cədvəli

2018/2019-cu tədris ilində əyani formada təhsil alan magistrantların dissertasiya işlərinin müdafiə cədvəli

II ali təhsil və YH

II ali təhsil və YH

AZƏRBAYCAN RESPUBLİKASI TƏHSİL NAZİRLİYİ

AZƏRBAYCAN DÖVLƏT PEDAQOJİ UNİVERSİTETİ

2019/2020-ci tədris ilində aşağıdakı ixtisaslar üzrə ödənişli əsaslarla

təkrar ali təhsil almaq üçün sənəd qəbulu

E L A N    E D İ R

- 050101 Azərbaycan dili və ədəbiyyatı müəllimliyi (əyani);

- 050102 Biologiya müəllimliyi (əyani);

- 050103 Coğrafiya müəllimliyi (əyani);

- 050105 Fizika müəllimliyi (əyani);

- 050107 İbtidai sinif müəllimliyi (əyani);

- 050108 İnformatika müəllimliyi (əyani);

- 050109 Kimya müəllimliyi (əyani);

- 050111 Korreksiyaedici təlim (əyani);

- 050112 Məktəbəqədər təhsil (əyani).

- 050114 Riyaziyyat müəllimliyi (əyani);

- 050116 Tarix müəllimliyi (əyani);

- 050118 Təhsildə sosial-psixoloji xidmət (əyani).

         

Təkrar ali təhsil almaq istəyənlər aşağıdakı sənədləri təqdim etməlidirlər:

  • rektorun adına ərizə;
  • şəxsiyyət vəsiqəsinin surəti (3 nüsxə);
  • ali təhsil haqqında sənədin (diplomun) notarial qaydada təsdiqlənmiş surəti (diploma əlavə ilə birlikdə) (3 nüsxə);
  • əmək kitabçasından çıxarış (işləyənlər üçün);
  • 3x4 sm ölçüdə 4 ədəd rəngli fotoşəkil;
  • sağlamlıq haqqında arayış.

Sənədlər 20 iyul 2019-cu il tarixədək (şənbə və bazar günlərindən başqa) saat 10:00-dan 17:00-dək qəbul edilir.

Məzunlara təhsil aldıqları ixtisaslar üzrə vahid formalı dövlət sənədi - diplom verilir.

 

Ünvan: Bakı şəhəri, Həsən Əliyev küçəsi 104, ADPU-nun II tədris binası “Davamlı təhsil və təlim” şöbəsi (otaq 710)     

Telefon:  (+99412) 465-29-76                             

 

REKTORLUQ

AZƏRBAYCAN RESPUBLİKASI TƏHSİL NAZİRLİYİ

AZƏRBAYCAN DÖVLƏT PEDAQOJİ UNİVERSİTETİ

2019/2020-ci tədris ilində aşağıdakı ixtisaslar üzrə ödənişli əsaslarla

yenidənhazırlanma təhsili almaq üçün sənəd qəbulu

E L A N    E D İ R

- 050101 Azərbaycan dili və ədəbiyyatı müəllimliyi (əyani);

- 050102 Biologiya müəllimliyi (əyani);

- 050103 Coğrafiya müəllimliyi (əyani);

- 050105 Fizika müəllimliyi (əyani);

- 050107 İbtidai sinif müəllimliyi (əyani);

- 050108 İnformatika müəllimliyi (əyani);

- 050109 Kimya müəllimliyi (əyani);

- 050111 Korreksiyaedici təlim (əyani);

- 050112 Məktəbəqədər təhsil (əyani).

- 050114 Riyaziyyat müəllimliyi (əyani);

- 050116 Tarix müəllimliyi (əyani);

- 050118 Təhsildə sosial-psixoloji xidmət (əyani).

         

Yenidənhazırlanma təhsili almaq istəyənlər aşağıdakı sənədləri təqdim etməlidirlər:

  • rektorun adına ərizə;
  • şəxsiyyət vəsiqəsinin surəti (3 nüsxə);
  • ali təhsil haqqında sənədin (diplomun) və diploma əlavənin surəti (3 nüsxə);
  • əmək kitabçasından çıxarış (işləyənlər üçün);
  • 3x4 sm ölçüdə 4 ədəd rəngli fotoşəkil;
  • sağlamlıq haqqında arayış.

Sənədlər 20 iyul 2019-cu il tarixədək (şənbə və bazar günlərindən başqa) saat 10:00-dan 17:00-dək qəbul edilir.

Ünvan: Bakı şəhəri, Həsən Əliyev küçəsi 104, ADPU-nun II tədris binası Davamlı təhsil və təlim şöbəsi (otaq 710)      

Telefon:  (+99412) 465-29-76                             

 REKTORLUQ

Təbriki

Hörmətli həmkarlar, hörmətli əməkdaşlar, əziz tələbələr!

Hamınızı 15 İyun – Milli Qurtuluş Günü münasibətilə ürəkdən təbrik edir, möhkəm cansağlığı, uzun ömür, səadət və xoşbəxtlik, həyat və fəaliyyətinizdə uğurlar arzulayıram.

Bildiyiniz kimi, 1991-ci il oktyabr ayının 18-də Azərbaycan yenidən öz dövlət müstəqilliyini bərpa etdi. Lakin müstəqilliyin ilk illəri siyasi hakimiyyətin və dövlətin bütün təsisatlarının boşluğu ilə səciyyələnirdi. İşğalçı Ermənistanın hərbi təcavüzü respublikada vəziyyəti daha da gərginləşdirdi. 1993-cü ilin iyun ayında Azərbaycanda real vətəndaş müharibəsi təhlükəsi yarandı. Vətənin belə ağır dövründə dahi şəxsiyyət, müdrik lider Heydər Əliyev xalqın təkidli tələbi ilə yenidən ölkəmizdə hakimiyyətə gəldi və iyunun 15-də Azərbaycan Respublikası Ali Sovetinin Sədri seçildi.

Bu günün Azərbaycan xalqı üçün böyük tarixi-siyasi əhəmiyyət kəsb etməsi səbəbsiz deyildir. Məhz bu gün xalqımız milli xilaskar, ümummilli lider Heydər Əliyevin böyük vətənpərvərliyi, fədakarlığı, zəngin həyat və siyasi təcrübəsi, müdrikliyi, qətiyyəti, uzaqgörənliyi və gərgin səyləri nəticəsində vətəndaş müharibəsi təhlükəsindən xilas olmuş, sabitlik və tərəqqi yoluna çıxmış, ölkəmizdə hüquqi, demokratik, dünyəvi dövlət quruculuğunun bünövrəsi qoyulmuşdur. Xalqımızın tarixinə Milli Qurtuluş Günü kimi daxil olmuş15 İyun dövlətçilik tariximizin şanlı və parlaq səhifəsi, müstəqil Azərbaycan Respublikası isə dahi öndər Heydər Əliyevin şah əsəridir.

15 İyun – Milli Qurtuluş Günü Milli Məclisin qərarı ilə 1997-ci il iyunun 27-də rəsmiləşdirildi. Qədirbilən xalqımız böyük xilaskar Heydər Əliyevin xidmətlərini çox yüksək qiymətləndirir və hər il 15 İyun – Milli Qurtuluş Gününü yüksək əhvali-ruhiyyə ilə dövlət səviyyəsində qeyd edir.

Bu gün Azərbaycan öz müstəqilliyinin 28-ci ilini yaşayır. Azərbaycan Respublikasının Prezidenti cənab İlham Əliyevin, onun sadiq məsləkdaşı Azərbaycan Respublikasının Birinci vitse-prezidenti Mehriban xanım Əliyevanın ulu öndər Heydər Əliyevin müdrik siyasi kursunu, dövlətçilik strategiyasını layiqincə və uğurla davam etdirmələri nəticəsində ölkəmiz sürətlə, yeni beynəlxalq çağırışlara uyğun inkişaf edir, regionda və dünyada nüfuzu daha da artır.

Sizi bir daha 15 İyun – Milli Qurtuluş Günü münasibətilə səmimi-qəlbdən təbrik edir, ən xoş, ən gözəl arzularımı bildirirəm. Bayramınız mübarək!

İyunun 13-də Bakı şəhəri, Xətai rayonu, 204 nömrəli tam orta məktəbin 3 c sinfində Azərbaycan Dövlət Pedaqoji Universitetinin Filologiya fakültəsinin Ədəbiyyat və onun tədrisi metodikası kafedrasının professoru, filologiya üzrə elmlər doktoru, Əməkdar müəllim Zahid Xəlillə görüş keçirilib. Qeyd edək ki, uşaq ədəbiyyatı üzrə müasir Azərbaycan ədəbiyyatının ən parlaq nümayəndəsi ilə keçirilən görüş məktəb kollektivi tərəfindən yüksək qiymətləndirilib.

Görüş zamanı 3c sinfinin şagirdləri tərəfindən şairin “Güzgü” əsəri səhnələşdirilib, müxtəlif şeir və hekayələri səsləndirilib. Şagirdlərin maraqlı sualları professor Z.Xəlil tərəfindən cavablandırılıb.  

Məktəbin direktoru Ziba Rzayeva və sinif rəhbəri Aytən Zeynalova çıxış edərək şagirlərin mənəvi tərbiyəsində mühüm rol oynayan belə görüşlərin müntəzəm keçirilməsinin vacibliyini vurğulayıblar.

Sonda məktəblilərin sevimli yazarı olan professor Z.Xəlil çıxış edərək məktəbin rəhbərliyinə öz təşəkkürünü bildirib və belə görüşləri onun yaradıcılığına verilən yüksək dəyər kimi qiymətləndirib. Professor Z.Xəlil  növbəti dərs ilində məktəbin bütün kollektivi ilə görüşəcəyini bildirib.

Professor Z.Xəlillə xatirə şəkli çəkdirilib.

İctimaiyyətlə əlaqələr və marketinq şöbəsi

İyunun 14-də Azərbaycan Dövlət Pedaqoji Universitetində (ADPU) 15 İyun- Milli Qurtuluş Gününə həsr olunmuş tədbir keçirilib. Tədbirdə ADPU-nun rəhbərliyi, fakültə dekanları, kafedra müdirləri, şöbə və bölmə müdirləri, müəllim və tələbələr iştirak ediblər. Tədbir Azərbaycan Respublikasının Dövlət Himninin səsləndirilməsi ilə başlayıb.

Giriş sözü ilə çıxış edən ADPU-nun rektoru, professor Cəfər Cəfərov tədbir iştirakçılarını 15 İyun-Milli Qurtuluş Günü münasibətilə təbrik edib, onlara uğurlar arzulayıb. Rektor bildirib ki, 1993-cü ilin iyun ayında ölkəmizdə faktiki olaraq vətəndaş müharibəsi təhlükəsi yaranmışdı, dövlət parçalanmaq, dağılmaq təhlükəsi ilə qarşılaşmışdı. Yalnız ümummilli lider Heydər Əliyevin böyük siyasi təcrübəsi, qətiyyəti və iradəsi nəticəsində bu təhlükələrin qarşısı alındı. Ulu öndər Heydər Əliyev öz xilaskarlıq missiyasını cəsarətlə və uğurla yerinə yetirərək ölkəmizdə ictimai-siyasi böhranı, vətəndaş müharibəsi təhlükəsini, separatçılıq cəhdlərini qətiyyətlə aradan qaldırdı, müstəqilliyimizi, dövlət və dövlətçiliyimizi qorudu. Heydər Əliyevin 1993-cü il iyun ayının 15-də xalqımızın inadlı və təkidli tələbi ilə Azərbaycanda yenidən siyasi hakimiyyətə gəlməsi dövlətçilik tariximizin şanlı və parlaq səhifəsidir. Qürur hissi ilə deyə bilərik ki, ADPU-nun müəllimləri Heydər Əliyevin yenidən siyasi hakimiyyətə gəlməsində fəal iştirak ediblər. Müstəqil Azərbaycan Respublikası ulu öndər Heydər Əliyevin şah əsəridir. Qədirbilən xalqımız dahi şəxsiyyət, müdrik lider Heydər Əliyevin xidmətlərini yüksək qiymətləndirir və hər il 15 İyun–Milli Qurtuluş Gününü yüksək əhvali-ruhiyyə ilə qeyd edir.

Tədbirdə Tarix və coğrafiya fakültəsinin Türk və Şərqi Avropa xalqları tarixi və tarixin tədrisi metodikası kafedrasının baş müəllimi Taleh Cəfərov 15 İyun- Milli Qurtuluş Günü haqqında məruzə ilə çıxış edib. T.Cəfərov çıxışında qeyd edib ki, 15 İyun-Milli Qurtuluş Günü böyük ictimai, siyasi və tarixi əhəmiyyət kəsb edən bir gündür. Heydər Əliyev 1993-cü ilin iyununda genişlənmək təhlükəsi olan vətəndaş müharibəsini dayandırmaq üçün ağıllı, düşünülmüş siyasi tədbirlər həyata keçirdi. Heydər Əliyev böyük idarəetmə və dövlətçilik təcrübəsi sayəsində separatçılıq meyillərinin, dağıdıcı ictimai-siyasi proseslərin, dövlət çevrilişlərinə cəhd cinayətlərinin qarşısını qətiyyətlə aldı. Xalq dövlət müstəqilliyimizin təminatçısı olan Heydər Əliyevi dəstəklədi, siyasi yetkinlik, dövlətçilik prinsiplərinə sədaqət nümayiş etdirdi.15 İyun-Milli Qurtuluş Günü Milli Məclisin qərarı ilə 1997-ci il iyunun 27-də rəsmiləşdirildi. Həmin vaxtdan xalqımız 15 İyunu əlamətdar bir tarixi gün kimi qeyd edir.

Müəllim və tələbələrin fəal iştirakı ilə keçən  tədbirdə Elm və innovasiyalar üzrə prorektor, professor Asəf Zamanov, rektorun müşaviri, 91 vətənpərvər ziyalıdan biri, Yeni Azərbaycan Partiyasının Siyasi  Şurasının üzvü, professor Vilayət Əliyev, Tələbə Gənclər Təşkilatının sədr müavini Taleh Mirzəyev çıxış edərək ulu öndər Heydər Əliyevin xalqımız və dövlətimiz qarşısında göstərdiyi böyük xidmətlər, o cümlədən elmin, təhsilin, mədəniyyətin, gənclərin inkişafına göstərdiyi xüsusi diqqət və qayğı barədə fikirlərini bölüşüblər.  

ADPU-nun İctimaiyyətlə əlaqələr və marketinq şöbəsi

Azərbaycan Dövlət Pedaqoji Universitetinin (ADPU) Şəki Filialında 2018-2019-cu tədris ilinin yaz semestrinin imtahan sessiyasını mövcud qaydalara uyğun təşkil etmək, ADPU-nun Elmi Şurasının 28 dekabr 2018-ci il tarixli iclasında təsdiq edilmiş “İmtahanların təşkili qaydaları”ndan irəli gələn vəzifələri yerinə yetirmək  məqsədilə lazımi  hazırlıq işləri vaxtında həyata keçirilib, imtahan cədvəlləri mövcud qaydalara uyğun surətdə hazırlanaraq təsdiq edilib. İmtahan sessiyasına hazırlığın vəziyyəti filialın Elmi Şurasının 23 may 2019-cu il tarixli iclasında müzakirə olunaraq qənaətbəxş qiymətləndirilib. İmtahan keçiriləcək auditoriyalar müəyyənləşdirilib, imtahanların gedişi zamanı nəzarəti gücləndirmək məqsədilə müəllimlərin növbətçiliyi təşkil olunub, imtahanlarda yarana biləcək şikayət və narazılıqların çevik araşdırılması, obyektiv həll olunması məqsədilə filialın direktoru, dosent Rafiq Rasulovun müvafiq əmrinə əsasən İmtahan Qərargahı yaradılıb. İmtahan Qərargahı ikinci  tədris binasında, üçüncü mərtəbədə 48 nömrəli otaqda (tel.: 044 277 06 53) yerləşdirilib. Filialda imtahanların keçirilməsini təşkil və ona nəzarət etmək məqsədilə İmtahan Komissiyası, imtahanların gedişində yarana biləcək narazılıq və şikayətlərin çevik, obyektiv həll edilməsi məqsədilə Apelyasiya Komissiyası yaradılıb. İmtahan Komissiyasının normal fəaliyyəti üçün 50 nömrəli otaq ayrılıb.  Bütün bunlarla bağlı maarifləndirici məlumat vərəqləri hazırlanaraq elanlar lövhəsində yerləşdirilib.

Qeyd edək ki, 2018-2019-cu tədris ilinin yaz semestrinin imtahan sessiyasında filialın Pedaqoji fakültəsində 5 ixtisas üzrə 440 nəfər, Filologiya fakültəsində 3 ixtisas üzrə 218  nəfər olmaqla, ümumilikdə I – III tədris ilinin, həmçinin “Riyaziyyat və informatika müəlimliyi”, “Tarix və coğrafiya müəllimliyi” ixtisaslarının IV tədris ilinin 658  nəfər tələbəsi 165 fənn üzrə imtahan verəcək.

Filialda imtahanlar saat 9:00-da başlanır və üç akademk saat (135 dəqiqə) davam edir. İmtahanlar başa çatdıqdan sonra İmtahan Komissiyası tərəfindən kodlaşma aparılır və qiymətləndirmədə obyektivliyin, şəffaflığın təmin edilməsi məqsədilə  imtahanlar başqa müəllim tərəfindən  həmin gün yoxlanaraq nəticəsi tələbələrə açıqlanır. Sessiya zamanı tələbələrin imtahana qədər topladıqları balların hesablanıb imtahanadək onlara bu barədə məlumat verilməsi diqqət mərkəzində saxlanılır.

Tələbələrin imtahan sessiyasının gedişi ilə bağlı rəylərini öyrənmək, baş verə biləcək mənfi halların qarşısını almaq məqsədilə filialda “Rəy və təkliflər qutusu” hazırlanıb, tələbələrin öz fikirlərini bildirmələri üçün şərait yaradılıb.

İmtahan verəcək bütün tələbələrə bildirilib ki, arzu edən valideynlər imtahanların gedişini müşahidə edə bilərlər. Eyni zamanda imtahanların gedişini izləmək istəyən KİV-ə də bu barədə məlumat verilib.

Tədris planlarına uyğun olaraq, filialda mövcud olan bütün ixtisaslarda imtahan sessiyası iyunun 1-dən iyulun 5-dək davam edəcək.

İctimaiyyətlə əlaqələr və marketinq şöbəsi