шаблоны joomla сайт визитка
Скачать Joomla 3 шаблоны бесплатно

UNİVERSİTET

TƏDRİS

Elm

TƏLƏBƏ

BEYNƏLXALQ ƏLAQƏLƏR VƏ İNKİŞAF

E-ADPU

E-Təhsil

Virtual-Universitet

E-kitabxana

UNİVERSİTET

Comp 33

Elanlar

Filiallar üzrə qəbula məsul şəxslər və əlaqə vasitələri
AZƏRBAYCAN DÖVLƏT PEDAQOJİ UNIVERSİTETİ DAVAMLI TƏHSİL VƏ İNNOVASİYALAR ŞÖBƏSİ

WhatsApp Image 2020 09 20 at 20.44.42

“DİSTANT TƏHSİL VƏ ELEKTRON PLATFORMALARDAN, RESURSLARDAN İSTİFADƏ İMKANLARI”

təliminə qəbul elan edir

Təlimin əsas istiqamətləri:

 

  • Distant təhsil, onun prinsipləri, təşkili qaydaları və növləri
  • Distant təhsildə əlaqələrin qurulmasında istifadə olunan elektron, telekommunikasiya, proqram-texniki vasitələr və s.
  • ZOOM platformasından zəruri istifadə imkanları. Microsoft Teams proqramının yüklənməsi, müəllim və tələbələr üçün onlayn dərslərin, iclasların təşkili
  • Microsoft Teams proqramında qrupların və kanalların yaradılması, təqdimatların nümayişinin təşkili
  • Audio və video görüşlərin təşkili, dərslərin videoqeydiyyatı və ondan istifadə, korporativ e-mail ünvanı olmayan şəxslərin onlayn dərsə və ya iclasa dəvət olunması
  • Microsoft Teams platformasına Quiz (Test) tapşırığının yaradılması, verilməsi və qiymətləndirilməsi imkanları

 

18 saatlıq onlayn təlim 25 – 27 sentyabr 2020-ci il tarixlərdə ödənişli əsaslarla təşkil olunur.

Təlimin sonunda onlayn test imtahanından uğurla keçə bilən iştirakçılara sertifikat təqdim olunur.

Təlimçilər:       Dilguşə Süleymanova                  Natəvan Həsənova

 

Təlimin vaxtı:  17:00-20:00

WhatsApp(+99450) 210-42-74

İNKLÜZİV SİNİFLƏRDƏ TƏLİM STRATEGİYALARI" təlimi - 30.09-04.10.2020

WhatsApp Image 2020 09 20 at 20.44.10

“İNKLÜZİV SİNİFLƏRDƏ TƏLİM STRATEGİYALARI”

təliminə qəbul elan edir

Təlimin əsas istiqamətləri:

 

  • İnsan hüquqlarına əsaslanan inklüziv təhsil. Əlilliyin sosial modeli
  • İnklüziv sinif təcrübəsinin yaradılması: uşaqyönümlü pedaqoqika
  • İnklüziv siniflərdə müxtəlif təlim üsulları
  • Təqdimat və çıxış etmək bacarıqlarının formalaşdırılması. Bədən dili
  • İnklüziv siniflərdə dərs planlaşdırılmasına verilən tələblər
  • İnklüziv siniflərdə qiymətləndirmə metodları

 

36 saatlıq onlayn (ZOOM proqramı vasitəsilə) təlim 30 sentyabr – 04 oktyabr 2020-ci il tarixlərdə ödənişli əsaslarla təşkil olunur. Təlimi müvəffəqiyyətlə bitirən iştirakçılara sertifikat təqdim olunur.

Təlimçi:        Gülşən Eminova

Təlimin vaxtı:  17:00-21:00

 

Qeydiyyat üçün link: 

https://docs.google.com/forms/d/e/

1FAIpQLScChFyKHGQqzAvupKKhYwcmM3OD

qbpeMLESOiPRVY-_I6j7IQ/viewform?fbclid=Iw

AR17MIlZI0Gcj-eND9TVCaawky8u_tBQRDg58aeSI8eXu0l5TVhcRB6fILo

 

WhatsApp(+99450) 210-42-74

Xüsusi karantin rejimi-təlim-tərbiyə prosesinin təskili
AZƏRBAYCAN RESPUBLİKASININ NAZİRLƏR KABİNETİ
TN-nin distant təhsillə bağli təlimati
AZƏRBAYCAN RESPUBLİKASININ NAZİRLƏR KABİNETİ
AZƏRBAYCAN DÖVLƏT PEDAQOJİ UNIVERSİTETİ DAVAMLI TƏHSİL VƏ İNNOVASİYALAR ŞÖBƏSİ

WhatsApp Image 2020 09 15 at 22.05.44“ALİ TƏHSİLDƏ “AKADEMİK YAZI” BACARIQLARININ ÖYRƏDİLMƏSİ”

TƏLİM PROQRAMINA QƏBUL ELAN EDİR

 

Təlimin məzmunu:

  • Akademik yazının xüsusiyyətləri, strukturu, növləri
  • Mövzu seçimi və ədəbiyyatın, məlumatların təhlili
  • Tədqiqatın aparılması strategiyası və metodologiyası
  • Ədəbiyyat axtarışı və təşkili
  • Tədqiqat işinin yazılmasında veb resurslardan düzgün istifadə qaydaları

7–11 oktyabr 2020-ci il tarixlərdə ödənişli əsaslarla keçiriləcək 30 saatlıq onlayn təlim ZOOM proqramı vasitəsilə təşkil olunur. Təlimi müvəffəqiyyətlə bitirən iştirakçılara sertifikat təqdim olunur.

Təlimlərdə iştirak edən ADPU, filial və ADPK nümayəndələrinə, eləcə də, eyni müəssisədən iştirakçıların sayı on nəfərdən çox olduqda ödənişə 15% güzəşt nəzərdə tutulur.

 

Təlimçi:   Fəridə Hüseynova

                ADPU, ped.ü.f.d., beynəlxalq dərəcəli təlimçi

 

Saat:         17:00-20:00

        WhatsApp: (+994 50) 210-42-74

AZƏRBAYCAN RESPUBLİKASI TƏHSİL NAZİRLİYİ AZƏRBAYCAN DÖVLƏT PEDAQOJİ UNIVERSİTETİ
2020-2021-ci tədris ilində Azərbayacan Dövlət Pedaqoji Universitetinin magistratura səviyyəsinə qəbul olunmuşlar aşağıdakı sənədləri təqdim etməldir:

WhatsApp Image 2020 09 02 at 23.43.12 11.Bakalavr  diplomunun  notarial  qaydada  təsdiqi-1  nüsxə;

2.Diploma  əlavənin  (qiymət  vərəqəsi)  notarial  qaydada  təsdiqi-   1  nüsxə;

3.2019-2020-ci  tədris  ilinin  məzunlari  ali  təhsil  müəssisələrini  bitirmələrı  barədə  arayış;

  1. 4. Foto-şəkil-3x4 ölçüdə - 1 ədəd
  2. 5. Şəxsiyyət vəsiqəsinin surəti (notarial  qaydada  təsdiqə  ehtiyac yoxdu)-6 nüsxə;
  3. 6. Ödənişli əsasarla qəbul  olunanlar təhsil haqqının  ödənilməsi  barədə qəbz (əsli  şəxsin  özündə  saxlanılır)- 1  nüsxə   (Təhsil  haqqını  yalnız Kapital  bank  vasitəsilə  ADPU-nun  hesabına ödəmək  lazımdır );

7.İş  nömrəsi;

8.Şəxsi  kabinetin nömrəsi (FİN).

9.Magistraturada keçəcəyiniz xarici dil (ingilis dili, fransız dil və alman dili)

10.Əlaqə telefonu.

 Qeyd: Ödənişli  əsaslarla  qəbul  olunmuş, lakin    təhsil  xərcləri dövlət  büdcəsi  hesabına ödənilməsinə  uyğun olan şəxslər əlavə  olaraq özünə  aid  göstərilən  sənədləri  də  təqdim  etməlidir.

  1. 1. “MƏCBURI KÖÇKÜN” STATUSU OLAN AZƏRBAYCAN RESPUBLIKASI VƏTƏNDAŞLARI.

Dövlət Ali və orta ixtisas təhsili müəssisələrində ödənişli formada təhsil alan məcburi köçkünlərin təhsil haqqını ödəməkdən azad edilməsi barədə Azərbaycan Respublikası Prezidentinin 4 avqust  2003-cü il 1308 nömrəli Sərəncamı. “Azərbaycan Respublikasının dövlət ali təhsil müəssisələrində ödənişli əsaslarla təhsil alan məcburi köçkünlərin təhsil xərclərinin ödənilməsi haqqında” Azərbaycan Respublikası Prezidentinin 14 sentyabr 2011-ci il tarixli 1722 nömrəli Sərəncamı.

Tələb olunan sənədlər:

1.Rektorun adına ərizə

  1. 2. Şəxsiyyət vəsiqəsinin surəti – 2ədəd
  2. 3. ”Məcburi köçkün” statusunu əks etdirən sənədin (tələbənin və atasının) notarial qaydada təsdiq olunmuş surəti -2 ədəd

---------------------------------------------------------------------------------------------------------------------------------------------------

2.”ŞƏHID” AILƏSI STATUSUNU ALMIŞ AILƏNIN ÜZVÜ.

“Şəhid adının əbədiləşdirilməsi və şəhid ailələrinə edilən güzəştlər haqqında” Azərbaycan Respublikası Qanununa əlvə edilmə barədə Azərbaycan Respublikası Qanunu: 12 sentyabr 2003-cü il ¹ 499 İİQD,”Şəhid adının əbədiləşdirilməsi və şəhid ailələrinə edilən güzəştlər haqqında” Azərbaycan Respublikasının Qanunu 3 sentyabr 1993-cü il ¹  697.

  • “Şəhid” ailə üzvləri aşağıdakılar hesab olunurlar;
  • arvadı (əri);
  • valideynləri;
  • 18 yaşına çatmamış uşaqları, 18 yaşına çatanadək sağlamlıq imkanlarının məhdudluğu müəyyən olunmuş 18 yaşından yuxarı əlil övladları;
  • qardaşları və bacıları — uşaq evlərində tərbiyə olunanlar;
  • babalar və nənələr, qanunla onları saxlayan şəxs yoxdursa;
  • əyani təhsil müəssisələrində, həmçinin Azərbaycan Milli Elmlər Akademiyasında təhsil aldıqda 23 yaşa çatanadək ailə üzvü hesab edilirlər.

Tələb olunan sənədlər:

1.Rektorun adına ərizə

  1. 2. Şəxsiyyət vəsiqəsinin surəti – 2ədəd
  2. 3. “Şəhid” statusu barədə sənədin notarial qaydada təsdiq olunmuş surəti -2 ədəd
  3. 4. Tələbənin doğum haqqında şəhədətnaməsinin surəti -2ədəd
  4. 5. Şəhidin ölüm haqqında şəhədətnaməsinin notarial qaydada təsdiq olunmuş surəti -1ədəd

-------------------------------------------------------------------------------------------------------------------------------------------------  

  1. 3. “AZƏRBAYCAN RESPUBLIKASININ ƏRAZI BÜTÖVLÜYÜNÜN, MÜSTƏQILLIYININ VƏ KONSTITUSIYA QURULUŞUNUN MÜDAFIƏSI ZAMANIƏLIL OLMUŞVƏ AZƏRBAYCAN RESPUBLIKASININ AZADLIĞI, SUVERENLIYI VƏ ƏRAZI BÜTÖVLÜYÜ UĞRUNDA HƏLAK OLAN, HƏRBI ƏMƏLIYYATLA ƏLAQƏDAR ITKIN DÜŞƏN VƏ MƏHKƏMƏ TƏRƏFINDƏN ÖLMÜŞ ELAN EDILƏN VƏTƏNDAŞLARIN UŞAQLARININ TƏHSIL XƏRCLƏRININ ÖDƏNILMƏSI HAQQINDA AZƏRBAYCAN RESPUBLIKASI PREZIDENTININ 18 MART 2014-cü IL TARIXLI 347 NÖMRƏLI SƏRƏNCAMI.

Azərbaycan Respublikasının ərazi bütövlüyünün, müstəqilliyinin və Konstitusiya quruluşunun müdafiəsi zamanı əlil olmuş və Azərbaycan Respublikasının azadlığı, suverenliyi və ərazi bütövlüyü uğrunda həlak olan, hərbi əməliyyatla əlaqədar itkin düşən və məhkəmə tərəfindən ölmüş elan edilən vətəndaşların Azərbaycan Respublikasının ali təhsil müəssisələrində bakalavriat və magistratura (əsas (baza ali) tibb təhsili və rezidentura) təhsil səviyyələrində, Azərbaycan Milli Elmlər Akademiyasının magistratura səviyyəsində və orta ixtisas təhsili müəssisələrində ödənişli əsaslarla təhsil alan uşaqlarının təhsil müddəti ərzində təhsil haqqı 2014/2015-ci tədris ilindən etibarən Azərbaycan Respublikası Nazirlər Kabinetinin 2010-cu il 25 iyun tarixli 120 nömrəli qərarı ilə təsdiq edilmiş təhsil xərcləri miqdarında dövlət büdcəsinin vəsaiti hesabına ödənilsin.

Tələb olunan sənədlər:

1.Rektorun adına ərizə

  1. 2. Şəxsiyyət vəsiqəsinin surəti – 2ədəd
  2. 3. Azərbaycan Respublikasının ərazi bütövlüyünün, müstəqilliyinin və Konstitusiya quruluşunun müdafiəsi zamanıəlil olmuşvətəndaşın əlilliyi barədə (TSEK –in arayışı) sənədin surəti -2 ədəd
  3. 4. Azərbaycan Respublikasının azadlığı, suverenliyi və ərazi bütövlüyü uğrunda həlak olan şəxsin ölüm haqqında şəhədətnaməsinin notarial qaydada təsdiq olunmuş surəti -2 ədəd
  4. 5. Hərbi əməliyyatla əlaqədar itkin düşən və məhkəmə tərəfindən ölmüş elan edilənşəxs barədə sənədin notarial qaydada təsdiq olunmuş surəti -2 ədəd.

-------------------------------------------------------------------------------------------------------------------------------------------------

  1. 4. VALIDEYNLƏRINI ITIRMIŞ VƏ VALIDEYN HIMAYƏSINDƏN MƏHRUM OLMUŞ 23 YAŞADƏK UŞAQLAR.

 “Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında” Azərbaycan Respublikasının 22 iyun 1999-cu il tarixli ¹ 693-İQ Qanunu (maddə 5).

“Təhsil haqqında” Azərbaycan Respublikasının 19 iyun 2009-cu il tarixli Qanunu (maddə 14-8-1).

valideynlərini itirmiş uşaqlar - hər iki valideyni vəfat etmiş 18 yaşınadək olan şəxslərdir;

valideyn himayəsindən məhrum olmuş uşaqlar - hər iki valideyni:

məlum olmayan;

valideynlik hüquqlarından məhrum edilən və ya valideynlik hüquqları məhdudlaşdırılan;

xəbərsiz itkin düşmüş, fəaliyyət qabiliyyəti olmayan (fəaliyyət qabiliyyəti məhdudlaşdırılan) hesab edilən, ölmüş elan edilən;

cəzaçəkmə müəssisələrində cəzasını çəkən;

uşaqlarının tərbiyə edilməsindən və ya onların hüquq və mənafelərinin müdafiəsindən imtina edən;

uşaqlarını tərbiyə, müalicə, əhalinin sosial müdafiəsi və digər analoji müəssisələrdən götürməkdən imtina edən;

qanunla nəzərdə tutulmuş qaydada digər hallarda valideyn himayəsindən məhrum hesab edilən 18 yaşınadək şəxslərdir.

Bir valideyni vəfat etmiş və o biri valideyni I və II dərəcə əlil olan 18 yaşınadək şəxslər də valideyn himayəsindən məhrum olmuş uşaqlar hesab edilirlər;

valideynlərini itirmiş və valideyn himayəsindən məhrum olmuş uşaqların arasından olan şəxslər - valideynlərini itirmiş, habelə valideyn himayəsindən məhrum olmuş ali və orta ixtisas təhsili müəssisələrində və müvafiq icra hakimiyyəti orqanının müəyyən etdiyi elmi təşkilatın magistratura səviyyəsində əyani formada təhsil alan 23 yaşınadək olan şəxslərdir;

Bu qəbldən olan şəxslər təhsil aldıqları müddətdə dövlət təminatına götürülür, onların təhsil xərcləri dövlət büdcəsinin vəsaiti hesabına ödənilir və təqaüdün 2 mislindən az olmayan miqdarda təqaüdlə təmin olunurlar.

Tələb olunan sənədlər:

1.Rektorun adına ərizə

  1. 2. Şəxsiyyət vəsiqəsinin surəti – 2 ədəd
  2. 3. Vəfat etmiş valideynin ölüm şəhədətnaməsinin notarial qaydada təsdiq olunmuş surəti - 2 ədəd
  3. 4. Bir valideyni vəfat etmiş digər valideynin I və II dərəcə əlil olan şəxsin tibbi sosial ekspert komissiyası tərəfindən təqdim olunan arayış (TSEK) - 2 ədəd

---------------------------------------------------------------------------------------------------------------------------------------------------

  1. 5. I VƏ II QRUP ƏLILIYI OLAN ŞƏXSLƏRIN, HABELƏ SAĞLAMLIQ IMKANLARI MƏHDUD 18 YAŞADƏK UŞAQLARIN TƏHSIL HAQQI XƏRCLƏRININ ÖDƏNILMƏSI HAQQINDA AZƏRBAYCAN RESPUBLIKASI PREZIDENTININ 3 MAY 2019-cu IL TARIXLI SƏRƏNCAMI.

(ARK-nın 109-cu maddəsinin 32-ci bəndi)

Azərbaycan Respublikasının ali təhsil müəssisələrinidə bakalavr və magistratura (əsas(baza ali tibb təhsili və rezidentura) təhsil səviyyələrində, Azərbaycan Milli Elmlər Akademiyası magistratura səviyyəsində və orta ixtisas təhsilli müəssisələrində ödənişli əsaslarla təhsil alan I və II dərəcə əliliyi olan şəxslərin, habelə sağlamlıq imkanları məhdud 18 yaşınadək uşaqların təhsil müddəti ərzində təhsil haqqı xərcləri 2019-2020-ci tədris ilindən etibarən dövlət büdcəsinin vəsaiti hesabına ödənilsin.

Tələb olunan sənədlər

1.Rektorun adına ərizə

  1. 2. Şəxsiyyət vəsiqəsinin surəti – 2 ədəd
  2. 3. I və II dərəcə əliliyi olan tələbələrin tibbi sosial ekspert komissiyası tərəfindən təqdim olunmuş arayışı (TSEK) -2 ədəd.

Qeydiyyat   2020-ci il 04-09 sentiyabr tarixlərində onlayn  formasında aparılır.

Tələb  olunan  sənədləri  Bu email ünvanı spambotlardan qorunur. Onu görmək üçün JavaScripti qoşmaq lazımdır. ünvanına  göndərmək  lazımdır.

ADPU-nun  Magistratura  və  doktarantura  şöbəsi

 XXI əsrin başlanğıcında Azərbaycan təhsil sisteminin yenidən qurulması, modernləşdirilməsi və bu işlərin pedaqoji innovasiyalardan istifadə olunmaqla yerinə yetirilməsi prioritet problem hesab edilir. Onların həll olunması üçün yeni pedaqoji araşdırmalara ehtiyac duyulur. Təhsil sistemdir, təhsil prosesdir, təhsil dəyərdir. Təhsilin dəyər olması milli-mədəni keyfiyyətləri özündə ehtiva edir. Bu dəyərləri yaşadan və gələcək nəsillərə ötürən vasitə təhsildir. Təhsil insanların milli və bəşəri dəyərlərə yiyələnməsi prosesinin mühüm amilidir. Pedaqoqun innovasiya potensialı onun praktiki fəaliyyətində təzahür edir. Başqa sözlə, pedaqoqun yaradıcılığı onun potensialının məqsədyönlü surətdə həyata keçirilməsidir. Bu potensiala öz maraq və təsəvvürlərinin inkişaf etdirilməsi istəyi, həmçinin imkanı, yaranan problemlərin qeyri-ənənəvi həllinin tapılması, artıq təhsildə mövcud olan qeyri-standart yanaşmaların qəbul olunması və tətbiqi; yeni təsəvvürləri və ideyaları ümumiləşdirmək və üzə çıxarmaq, real təcrübədə layihələşdirmək, modelləşdirmək; mədəni-estetik inkişafetmə, təhsillilik, yeniliyə açıq olmaq, məlumatlılıq və mədəni sahədə özünü ifadə edə bilmə daxildir. Pedaqoji texnologiya yalnız təhsilin elementi kimi deyil, həmçinin onun məqsədi, məzmunu, prosesi və nəticəsi kimi xidmət göstərir. Təlim texnologiyaları pedaqoji prosesə sistemli, elmi və ardıcıl şəkildə tətbiq edildikdə o, təhsilin ayrılmaz bir hissəsinə çevrilir. Ali təhsilə başlayan tələbələr  müəyyən vərdişlərə  sərbəst şəkildə yiyələnmək məcburiyyətində qalırlar. Elmi problemin qoyulması Tədqiqat işləri hər şeydən öncə praktiki problemlərin həlli ilə məşğul olur və əldə olunan nəticələr sonralar nəzəriyyənin inkişafına yönəldilir. Onlar həmçinin yeni hadisələrin dərk edilməsində yaranan çətinliklərin aradan qaldırılmasında, əvvəllər məlum olan faktların izah olunmasında və yaxud köhnə faktların kifayət qədər araşdırılmadığı hallarda yerinə yetirilir. Elmi–tədqiqat işləri təkcə problemin qoyulması ilə bitmir, burada problem daimi diqqət mərkəzində olur. Elmi işin səviyyəsi qoyulan problemin aktuallığı ilə ölçülərək, bir çox obyektiv və subyektiv amillərdən asılıdır. Hər bir elmi problem adi sualdan onunla fərqlənir ki, burada cavab sadəcə olaraq məlum informasiyalar əsasında tapıla bilmir. Elmdə problem əsasən situasiyalarda mövcud nəzəriyyələrlə izah oluna bilməyən yeni faktların kəşfi ilə ortaya çıxır elmi problem – elmi–praktiki araşdırılması vacib olan elmi biliyin forması olub, tərkibində insanlara məlum olmayan faktlar daşıyır. Problemdə onun empirik və nəzəri tərəfləri birləşir. Problemin məlum faktlar əsasında düzgün qoyuluşu onun uğurlu həlli üçün ilkin şərtdir. Bunun üçün sadəcə dərsliklərin oxunması kifayət etmir, çünki, dərslik sırf bir fənn üzrə məlum olan biliklərin sadə dildə tələbələrə çatdırılmasını qarşısına məqsəd qoyur. Sadəcə kitablara baxmaqla hər hansı verilmiş bir elmi tapşırığın icrası üçün iş planının tərtibi, aparılması və sənədləşdirilməsi çox çətin məsələdir. Burada elmi işlərin tərtibi və prezentasiyası xüsusi ədəbiyyatlarda təsvir olunmuş metodiki göstərişlərin köməyi ilə həyata keçirilir. Belə ədəbiyyatlar ümumi bilik bazasına əsaslanaraq addım–addım tapşırığın deduktiv yolla başa düşülməsinə, onun həll olunmasına kömək edir. Problemin formulə edilməsi zamanı yalnız onun elmin inkişafındakı rolunun qiymətləndirilməsi kifayət deyil.İstənilən problem elm qarşısında qoyula bilməz, əks halda o həll olunmayan problemlərə aid edilir. Problemin qoyulmasından öncə ilkin tədqiqatların aparılmasına ehtiyac var. İlkin araşdırmalar problemin konkretləşdirilməsinə və onun həlli yollarının seçilməsində önəmli yer tutur. Elmi problemin belə işlənməsi bir neçə pillədə aparılr. İlkin olaraq alınmış yeni faktlar və hadisələr məlum nəzəriyyələr çərçivəsində izah edilir. Faktların çoxluğu yeni nəzəriyyələrin işlənməsinə tələbat yaradır. Növbəti addımda problemin həlli yolları və ideyaların ilkin analizi və qiymətləndirilməsi aparılır. Əslində burada problemin həlli üçün vacib olan hipotezin heç bir həll yolu göstərilmədən əsaslandırılması baş verir. Qoyulan problemin növü və həlli onun məqsədinin, həmçinin digər problemlərlə əlaqəsinin aşkarlanmasına yol açaraq konkret halda həll yolunu düzgün qiymətləndirməyə imkan yaradır. Mövcud nəzəriyyələr və empirik məlumatlar kifayət qədər olmadıqda problemin həllinə məhdudiyyətlər qoyulur. Məlum nəzəriyyələrin, həll yollarının və məqsədlərin düzgün qiymətləndirilməsindən sonra qoyulmuş problemin ilkin təsvirinin dəqiqləşdirilməsi mümkün olur. İstər elmi tədqiqat, istərsə də praktik iş zamanı müəyyən metodlardan istifadə edilir, başqa sözlə qarşısına qoyduğu məqsədə nail olmaq üçün öz fəaliyyətini müvafiq şəkildə təşkil edir. Bu zaman istifadə olunan priyomlar və vasitələr elmi tədqiqat metodları adlanır. Həmin metodların köməyi ilə müvafiq elmin qanunauyğunluqları aşkara çıxarılır. Elmdə əldə edilən nəticələrin gücü tətbiq olunan tədqiqat metodlarının təkmillik dərəcəsindən, onların  validliyi və etibarlılığından və s. asılıdır. Metod nə qədər düzgün seçilərsə, nəticə o qədər uğurlu olur. 
     Аli təhsil müəssisəsində təhsilalanların еlmi tədqiqat işinin təşkili , təhsilalanların elmi tədqiqat işi sisteminin metodoloji əsasları müasir dövrdə istehsal texnologiyalarının informasiyalaşdırması ilə əlaqədar xüsusi informasiyaların (elmi, texniki, texnoloji və s.) həcmi sürətlə artır. Belə bir şəraitdə hazır biliklərin mənimsənilməsinə və təqdim olunmasına əsaslanan təlim texnologiyaları rasional və perspektivli hesab olunmur.Təhsilalanların yaradıcılıq qabiliyyətinin yüksəldilməsi və intellektual səviyyəsinin formalaşdırılmasına yönəldilmiş təhsil texnologiyalarından istifadə edilməsi vacibdir. 
   Ali məktəbdə təhsilə qədəm qoymaqla gənclərin həyatında yeni mərhələ başlayır. Ali təhsilin əsas məqsədi də elə buradan irəli gələn özünütəşkiletmə və sərbəst işləmə kimi amillərlə müşaiyət olunan bir inkişaf prosesindən ibarətdir. -Tələbələri tədris prosesində müşaiyət edərək,  kurs və layihə işləri, bakalavr və magistr dissertasiyalarının verilmiş vaxt çərçivəsində addım , addım uğurla işləmələrində  onlara yardımçı olmaq hər birimizin fəaliyyətinin əsasa qayəsi olmalıdır. Əldə olunan metodiki biliklər elmi– tədqiqat işlərinin  ali məktəblərdə tədris olunan bütün elm sahələri üçün dəyərlidir. Təhsilalanların elmi tədqiqat bacarıqlarının inkişafına,  praktik təcrübələrin təşkilinə  Universitetlərdə fəaliyyət göstərən Elmi Tədqiqat Mərkəzləri vasitəsilə   metodiki   köməyinin təşkili nəzərdə tutulan problemin həllinə yardımçı ola bilər. 
  Ali məktəblərdə  aparılan elmi  tədqiqatların müasir səviyyədə aparılması və keyfiyyətinin yüksəldilməsi təmin olunmalıdır. Ali məktəblərdə elmi tədqiqatlar həm kafedralarda, həm də elmi tədqiqat müəssisələrində aparılır. Elmi-texniki potensialın – tədqiqatçıların təkrar istehsalını təmin edən elm və təhsil strukturlarının bib-biri ilə qarşılıqlı əlaqəsi, təhsilin elmlə sintezi olmadan müasir təhsil inkişaf edə bilməz. Bu proses eyni zamanda ali məktəblərin pedaqoji potensialını inkişaf etdirməyə, tədris proqram və kurslarının məzmununu, təhsil texnologiyalarını və metodlarını yeniləşdirməyə imkan verir. Elm və təhsilin gələcək inteqrasiyasını təmin etmək üçün elmi tədqiqatların ali məktəb, sahə və akademik bölmələrinin bir sıra sahələrində yaranmış əlaqəsizliyin aradan qaldırılmasına yönəldilmiş tədbirlərin hazırlanması və mərhələlər üzrə həyata keçirilməsi tələb olunur. Azərbaycan Respublikasının Təhsil Qanununa əsasən ali məktəblər həm təhsil, həm də mühüm elm mərkəzləridir. Ali məktəb elmi ixtisas profilinə uyğun olaraq təhsil prosesinin daim təkmilləşdirilməsini təmin etməklə bərabər dövlət sifarişlərinin, müqavilə və kontraktlar əsasında proqramların, layihələrin yerinə yetirilməsində fəal iştirak edir. Bu məqsədlə ali məktəblərdə kafedralarla yanaşı elmi-tədqiqat laboratoriyaları, mərkəzləri, institutları, yaradıcılıq kompleksləri və s. yaradılır. Dövlət milli dirçəlişi təmin edən elm sahələrində, o cümlədən təhsil və mədəniyyət problemləri sahəsində əsaslı araşdırmalara üstünlük verir. Təhsil alan gənclərin elmi-tədqiqat işinə cəlb olunması ali məktəb elminin əsas vəzifələrindən biridir. Bu sahədə həyata keçirilən iş yaradıcılıq fəaliyyəti konsepsiyasına söykənən pedaqoji texnologiyalar əsasında qurulmalıdır. Tələbələr, bir qayda olaraq, ali təhsil müəssisəsinin elmi bölmələrində və kafedralarında yerinə yetirilən tədqiqat işlərinin icraçıları kimi cəlb olunurlar. Bu tapşırıqlarda yaradıcılıq elementlərindən istifadə olunması, sadə araşdırmaların və tədqiqatların aparılması nəzərdə tutulmalıdır. Tələbəyə elmi tədqiqat işinin proqramının və ya təqvim planının tərtib edilməsi, tədqiqatlara başlamazdan əvvəl istifadə ediləcək ədəbiyyat mənbələrindən məlumatların toplanıb təhlil edilməsi, təqvim planında nəzərdə tutulan digər işlərin yerinə yetirilməsi, tədqiqat işinin  nəticələrinin təhlil və şərh edilməsi, onları özündə cəm edən hesabatın, tələbə konfranslarında iştirak etmək üçün məruzələr və müasir texnologiyalar əsasında təqdimatın hazırlanması sahəsində biliklərin əldə edilməsi və təcrübə vərdişləri, habelə kollektiv halında işləmək bacarığı aşılanmalıdır. Ali təhsil müəssisələrində elmi işlərin nəticələrinin tədris prosesinə tətbiq edilməsinə meyl getdikcə artır, aparılan elmi tədqiqatların keyfiyyətinin artırılmasına diqqət yetirilir.



Vəliyeva Zülfiyyə
ADPU-nun ETM-nin Tətbiqi tətqiqatlar bölməsinin elmi işçisi.
Respublikanın Əməkdar Müəllimi. Müəllimlərin Peşəkarlıq Səviyyəsinin
İnkişaf Etdirilməsi Layihəsi üzrə Milli məsləhətçi

Mektebgushesi.az internet portalının ali təhsil ocaqları arasında reallaşdırdığı virtual sorğunun Azərbaycan Dövlət Pedaqoji Universitetində təqdimatı keçirilib.

“Tədrisin keyfiyyəti, maddi-texniki bazası və gələcəkdə işlə daha yaxşı təmin olunmaq üçün hansı universiteti seçərdiniz?” nominasiyalı virtual sorğusunun qalibi 2419 səslə Azərbaycan Dövlət Pedaqoji Universiteti olub.

Təqdimatda ADPU-nun rektoru, professor Cəfər Cəfərov, Tədris işləri üzrə prorektor Eldar Aslanov, Sosial və humanitar məsələlər üzrə prorektor Fikrət Rzayev İctimai Şuranın sədri, professor, əməkdar elm xadimi Şahlar Əsgərov, Təhsil Nazirliyi yanında İctimai Şuranın sədr müavini, təhsil eksperti Nadir İsrafilov, Şuranın məsul katibi İlqar Orucov, Mektebgushesi.az saytının təsisçisi və baş redaktoru Məzahir Məmmədli, iştirak edirdi.

Təhsil Nazirliyi yanında İctimai Şuranın sədri, professor, əməkdar elm xadimi Şahlar Əsgərov plaketi universitetin rektoruna təqdim etdi və qeyd etdi ki, keçirilən sorğuda Azərbaycan Dövlət Pedaqoji Universitetinin qalib gəlməsini universitetin öz kontingentinin fəallığı ilə bərabər, son zamanlar müəllim peşəsinə yaranan rəğbət hissindən də irəli gəlir: “Müəllim peşəsinin nüfuzunun yüksəlməsi isə sevindirici haldır. Hətta bu aspektdən yanaşıb DİM-in ən yüksək bal toplayan abituriyentləri məhz müəllimliyə yönəltməsini arzulayırıq. Çünki, hamımızı onlar yetişdirir”.

Rektor Cəfər Cəfərov sorğunun nəticələrinin ürəkaçan olduğunu, müəllimlik sənətinin illər keçdikcə məcburiyyət deyil, istək olaraq daha çox tələb olunduğunu bildirdi. Qeyd etdi ki, istər ADPU-ya yüksək balla qəbul olunan abituriyentlər, istər ADPU-nu bitirib magistr dərəcəsinə yüksələn bakalavrlar, istərsə də MIQ imtahanından uğurla keçən namizədlər ötən illərlə müqayisədə olduqca çoxdur. Bu isə universitetin gün keçdikcə inkişaf etdiyinin göstəricisidir. Təhsil üzrə ekspert Nadir İsrafilov çıxışı zamanı ADPU-nun məzunu olduğunu və universitetin bütün uğurlarına kollektivlə bərabər sevindiyini bildirdi.

Təhsil Nazirliyi yanında İçtimai Şuranın məsul katibi, gənc alim İlqar Orucov ADPU -nu özünün məzun olduğu illərlə müqayisə edərək bildirdi ki, universitetdə gedən islahatları yaxından izləyir və uğurlarına sevinir. Bu gün keçirilən təqdimat da onu göstərir ki, müəllim peşəsinə artan rəğbət bugünkü rəhbərliyin idarəetmədəki uğuru hesabına mümkün olmuşdur.

Mektebgushesi.az saytının rəhbəri Məzahir Məmmədli sorğunun tam şəffaf keçirildiyini, buna xüsusi nəzarət olunduğunu bildirdi: “Mektebgushesi.az-ın kollektivi olaraq sorğunun obyektivliyini tam təmin edə bildik. Belə ki, qaydalarımıza tam uyğun şəkildə – bir İP-dən yalnız bir dəfə səs verməyin mümkünlüyünü təmin etdik. Eyni zamanda sorğunun gedişatına daimi nəzarət edərək gündəlik baş verənləri öz aramızda təhlil etdik ki, kimsə sorğumuzun şəffaflığına xələl gətirə bilməsin”.

ADPU-nun Quba filialında 15 Sentyabr - Bilik Günü münasibətilə növbəti maraqlı bir layihə - “Tələbə - rektor” layihəsi həyata keçirilib. Belə ki, filialın direktoru dosent Yusif Alıyevin təşəbbüsü ilə filialın bir günlük idarəetməsi tələbələrə həvalə edilib. Ötən tədris ili ərzində fəallıqları ilə seçilən əlaçı tələbələr həmin gün sərbəst şəkildə filialın idarəetməsini həyata keçirdilər. Filialın Tarix-coğrafiya müəllimliyi ixtisasının 4-cü tədris ili tələbəsi Azər Zahirov rektor, Təhsildə sosial psixoloji xidmət ixtisasının 3-cü tədris ili tələbəsi Səyyad Nəcəfli Tədris və elmi işlər üzrə direktor müavini, Azərbaycan dili və ədəbiyyat müəllimliyi ixtisasının 4-cü tədris ili tələbəsi Həcər Seyidəhmədova Tərbiyə işləri üzrə direktor müavini vəzifələrini həyata keçiriblər.
Tələbə - rektor Azər Zahirov tələbə - müavinlərlə birlikdə əvvəlcə dekanlıqda olmuş filialda yeni tədris ilinə hazırlığın vəziyyəti ilə tanış olaraq dekana müvafiq tapşırıq və göstərişlərini vermiş, onlayn təhsilin bütün tələbələr üçün əlçatan olması məqsədilə tələbələrə köməklik məqsədilə internet paketlərin hazırlanması üçün tyutorlara imkansız tələbələrin siyahısını hazırlamaq tapşırılmışdır. Daha sonra yeni tədris ilində istifadəyə veriləcək auditoriya və struktur bölmələrin yerləşdikləri otaqların təmir bərpa-işlərinin vəziyyəti ilə tanış olmuş, qarşıda duran məsələlərin həlli ilə bağlı fikir bildirmişdir. Təsərrüfat şöbəsinin əməkdaşlarına auditoriyaların dərslərdən sonra ciddi dezinfeksiya edilməsini, əməkdaşların və ənənəvi qaydada təhsilə cəlb ediləcək birinci tədris ili tələbələrinin mövcud sanitar-gigiyenik və sosial izolyasiya qaydalarına əməl etmələri ciddi tapşırılmışdır.
Günün sonuna yaxın tələbə-rektor direktoryanı iclas keçirərək yeni tədris ilində görüləcək işlərdə, yeni layihələrdə daha uğurlu nəticələr əldə etmək üçün tələbə -müavinlərə yeni tədris ili ilə bağlı tələbə-müəllim əməkdaşlıqlarının yeni formasına uyğun iş planlarının hazırlanmasını tövsiyə olunmuşdur. Xüsusilə pandemiya şəraitində tələbə həyatının daha yaddaqalan olması üçün respublikanın tanınmış ziyalı – təhsil və elm xadimləri ilə görüşlərinin təşkili, gənclərin daha fəal könüllülük fəaliyyətinə cəlb edilməsi, işə qəbul prosesində seçim mərhələsində məzunlarımıza üstünlük verilməsi, həmçinin universitet idarəçiliyində və dərslərin təşkilində ənənə və müasirliyin orta həddinin tutulması, təcrübədən faydalanma kimi məsələlər üzərində dayanmış, tapşırıq, məsləhət və iradlarını bildirmişdir. Həmçinin tələbə rektor Azər Zahirov direktoryanı iclasda bildirdi ki, qarşıdakı imtahan proseslərində bütün tələbələrin imtahan vərəqələrinin üzü skaner vasitəsilə çıxarılaraq filialın saytında yerləşdirilsin. Bununla da bütün tələbələr və ictimaiyyət imtahan işinin yoxlanılmasındakı şəffaflığı və ədalətliliyi görmüş olar.
Sonda tələbə rektor və tələbə müavinlər filialın ərazisində yeni salınmış bağla tanış olmuş və ağaclara qulluq edilməsi üçün qruplar arasında bölünməsi tapşırıqlarını vermişlər.

Sentyabrın 18-də Azərbaycan Dövlət Pedaqoji Universitetinin (ADPU) Elmi Şurasının 2020-2021-ci tədris ili üçün ilk onlayn iclası keçirilib. ADPU-nun rektoru, Elmi Şuranın sədri, professor Cəfər Cəfərov iclası giriş sözü ilə açaraq Elmi Şura üzvlərini yeni tədris ili münasibətilə təbrik edib və onlara uğurlar arzulayıb, sonra gündəlikdə olan məsələləri iştirakçıların nəzərinə çatdırıb. Rektor iclasın gündəliyinə “ADPU-nun 2020-2021-ci tədris ilinə hazırlığın və qarşıda duran vəzifələr haqqında” və cari məsələlərin daxil olduğunu bildirib. 

Rektor Cəfər Cəfərov çıxışında “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkili barədə” Azərbaycan Respublikası Nazirlər Kabinetinin 2020-ci il 29 avqust tarixli 312 nömrəli Qərarının icrası haqqında” Azərbaycan Respublikasının Təhsil Nazirliyinin 2020-ci il 2 sentyabr tarixli F-391 nömrəli əmrindən irəli gələn məsələlərin icrası ilə bağlı qarşıda duran vəzifələr barədə məlumat verib.

İclasda həmçinin rektor yeni tədris ilində universitet üçün çox əhəmiyyətli olan ADPU-nun qarşıdan gələn 100 illik yubileyi, ADPU və ABŞ-ın Corc Vaşinqton Universiteti arasında ikili diplom proqramı haqqında  danışıb.

“ADPU-nun 2020-2021-ci tədris ilinə hazırlığın və qarşıda duran vəzifələr haqqında” Tədris işləri üzrə prorektor dosent Eldar Aslanov məruzə ilə çıxış edib. Dosent E.Aslanov İşçi tədris planları-yüklərin bölünməsi, məsafədən dərslərə hazırlıq, tələbə qəbulunun vəziyyəti-2020, tələbə yay transferlərinin nəticəsi, SABAH qrupları, yeni tədris ilinə hazırlıq üzrə vəzifələr, tədrisin necə təşkil olunacağı və 2020-2021-ci ildə qarşıda duran əsas vəzifələr barədə məlumat verib.

Elmi Şura dosent E.Aslanovun hesabatını qəbul edib.

Cari məsələlərin müzakirəsi zamanı Elm və innovasiyalar üzrə prorektor professor Asəf Zamanov Fəlsəfə doktoru proqramı üzrə dissertasiya mövzularının və elmi rəhbərlərin müəyyənləşdirilməsi barədə, ADPU-nun Elmi-Tədqiqat Mərkəzinin  Əsasnaməsinin təsdiqi barədə, Rektorun müşaviri Ümid Mehdiyev ADPU-nun 2020-2021-ci tədris ili üçün strukturunun və ştat vahidlərinin təsdiq edilməsi haqqında, ADPU-nun 2020-2021-ci tədris ili üçün İş Planının təsdiq edilməsi haqqında, Tədris departamentinin direktoru, dosent Sənan Əliyev ADPU-nun 2020-2021-ci tədris ili üçün proqnozlaşdırılmış dərs yükünün təsdiq edilməsi haqqında, ADPU-nun 2020-2021-ci tədris ili üçün Akademik Təqviminin təsdiq edilməsi haqqında, Elmi katib dosent İradə Qasımova ADPU-nun Elmi Şurasının  2020-2021-ci tədris ili üçün  İş Planının təsdiqi haqqında məlumat verib.

Cari məsələlər müzakirə olunub və müvafiq qərarlar qəbul edilib.

Sonda rektor Cəfər Cəfərov yeni tədris ilində qarşıya qoyulan vəzifələrin uğurla həyata keçirilməsi üçün öz tapşırıq və tövsiyələrini verib.

ADPU-nun İctimaiyyətlə əlaqələr və marketinq şöbəsi