шаблоны joomla сайт визитка
Скачать Joomla 3 шаблоны бесплатно

UNİVERSİTET

TƏDRİS

Elm

TƏLƏBƏ

BEYNƏLXALQ ƏLAQƏLƏR VƏ İNKİŞAF

E-ADPU

E-Təhsil

E-kitabxana

ADPU-nun Şəki Filialının Təbiət fənləri və onların tədrisi metodikası kafedrasının növbəti iclası keçirilib

Oktyabrın 12-də Azərbaycan Dövlət Pedaqoji Universitetinin (ADPU) rektoru, professor Cəfər Cəfərov Qubaya səfəri çərçivəsində ADPU-nun Quba Filialının kollektivi ilə görüşüb.

Görüşdə çıxış edən filialın direktoru, dosent Yusif Alıyev rektor Cəfər Cəfərovu kollektiv adından salamlayıb, ADPU-ya və universitetin filiallarına, ümumiyyətlə təhsilimizin inkişafına göstərdiyi diqqət və qayğıya görə öz təşəkkürünü bildirib. Qeyd edib ki, filialın bütün kollektivinin gücünü, potensialını Azərbaycan təhsilinin inkişafı üçün səfərbər edərək bölgədə təhsilin, elmin inkişafına nail olunacaq.

Daha sonra rektor Cəfər Cəfərov filialın kollektivini salamlayaraq ölkə təhsilinin qarşısında duran böyük işlərdən, Azərbaycan təhsilinin dünya təhsilinə inteqrasiyasından danışaraq dövrün təhsil trendlərinin tələblərindən danışıb. Sonra filialda həyata keçiriləcək yeni layihələrlə bağlı filialın kollektivinə və filialın direktoru Y.Alıyevə uğurlar arzulayaraq, kollektivi bütün işlərdə inkişafnaminə sıx birləşməyə çağırıb.

Daha sonra filialın Tərbiyə işləri üzrə direktor müavini Aysel Şeydayeva, Pedaqoji və ictimai fənlər kafedrasının müdiri, tarix üzrə fəlsəfə doktoru Elnur Nəsirov, Pedaqoji fakültənin dekan müavini Nübar Bayramova çıxış edərək təhsilimizə, filiallara, gənc alimlərə, tələbələrə universitetin rəhbərliyi tərəfindən göstərilən diqqət və qayğıya görə öz təşəkkürlərini bildirərək, filiala yeni təyin olunan direktor Y.Alıyevin fəaliyyətinin, innovativ ideyalara açıq olmasının və idarəetməsinin kollektiv tərəfindən alqışlandığını diqqətə çatdırıblar.

Sonra rektor Quba filialının inzibati binasıda tədris otaqlarını, yeni istifadəyə verilmiş Kompüter sinfini, idman və konfrans zallarını gəzərək öz ideya, təklif, tapşırıq və tövsiyələrini bildirib.

Sonda xatirə şəkli çəkdirilib.

İctimaiyyətlə əlaqələr və marketinq şöbəsi

Oktyabrın 15-də Azərbaycan Dövlət Pedaqoji Universitetində (ADPU)  Əməkdar elm xadimi, akademik, görkəmli ədəbiyyatşünas, tənqidçi Məmməd Cəfər Cəfərovun 110 illik yubileyinə həsr edilmiş tədbir keçirilib. Tədbirdə ADPU-nun rektoru, professor Cəfər Cəfərov, Sosial və humanitar məsələlər üzrə prorektoru, professor Fikrət Rzayev, Azərbaycan Milli Elmlər Akademiyasının (AMEA) Nizami adına Ədəbiyyat İnstitutunun şöbə müdiri, professor Tahirə Məmməd və direktor müavini, dosent Aygün Bağırlı və universitetin Filologiya fakültəsinin professor-müəllim və tələbələri iştirak ediblər.

Tədbiri giriş sözü ilə açan ADPU-nun rektoru, professor Cəfər Cəfərov bildirib ki, Azərbaycan Respublikası Prezidenti cənab İlham Əliyevin akademik Məmməd Cəfər Cəfərovun 110 illiyinin qeyd edilməsi haqqında 15 aprel 2019-cu il tarixli Sərəncamı Azərbaycan ədəbiyyatşünaslığı elminə verilən yüksək dəyərin bariz nümunəsidir. Akademik Məmməd Cəfər Cəfərov ömrünün 60 ilə yaxın bir dövrünü ölkədə ədəbi-nəzəri fikrin inkişafına həsr etmiş, ədəbiyyatın tarixi və nəzəriyyəsi, ədəbi əlaqələr və eləcə də estetikanın aktual məsələrinə dair fundamental araşdırmaları ilə Azərbaycan ədəbiyyatşünaslığını əhəmiyyətli dərəcədə zənginləşdirmişdir. Onun geniş əhatəli elmi irsində Nizami Gəncəvi, Məhəmməd Füzuli, Mirzə Fətəli Axundzadə, Cəlil Məmmədquluzadə, Mirzə Ələkbər Sabir, Hüseyn Cavid və Səməd Vurğun kimi qüdrətli söz ustalarının yaradıcılıqlarının fəlsəfi-estetik mahiyyətini dünya ədəbi təcrübəsi ilə vəhdətdə dolğun şərh edən, yüksək elmi-nəzəri ümumiləşdirmə gücünə malik əsərləri xüsusi yer tutur. Azərbaycan ədəbiyyatında romantizm cərəyanının təşəkkülü və inkişafının ilk müfəssəl tədqiqi Məmməd Cəfər Cəfərovun adı ilə bağlıdır. Pedaqoji sahədə uzun müddət uğurla çalışan və qiymətli dərsliklər müəllifi olan alim, həmçinin elmi kadrların hazırlanması istiqamətində təqdirəlayiq fəaliyyət göstərmişdir. Qeyd edək ki, M.C.Cəfərov ADPU-nun məzunu olmuş və Filologiya fakültəsinin dekanı vəzifəsində çalışmışdır.

Tədbirdə Sosial və humanitar məsələlər üzrə prorektor, professor Fikrət Rzayev çıxış edərək M.C.Cəfərovun yaradıcılığından, Azərbaycan ədəbiyyatı nəzəriyyəsində rolundan və yeniliklərindən, ədəbi tənqidçi kimi fəaliyyətindən bəhs edib.  

Daha sonra ADPU-nun Ədəbiyyat kafedrasının professoru Təyyar Salamoğlu “Azərbaycan ədəbi tənqidinin tarixində Məmməd Cəfər Cəfərovun yeri”  mövzusunda məruzə ilə çıxış edib. T.Salamoğlu məruzəsində Azərbaycan ədəbi tənqidinin tarixində M.C.Cəfərovun müstəsna mövqeyindən, alimin ədəbi tənqid sahəsindəki və ədəbiyyat tarixi istiqamətindəki fəaliyyətindən bəhs edib. M.C.Cəfərovun ədəbi tənqidində poeziya məsələlərinin də əhəmiyyətli yer tutduğunu   bildirərək qeyd edib ki, alim ədəbi tənqidə ilk növbədə teatr tənqidçisi kimi gəlmiş və onun ədəbi proseslə bağlı ilk məqalələrinin əksəriyyəti teatr tənqidinə həsr olunmuşdur.  Vurğulayıb ki, S.Vurğunun “İnsan”  dramı ideya-tematik və obrazların səciyyəsi baxımından kifayət qədər mübahisələrə yol açmış, tənqid və ədəbiyyatşünaslıqda əsər haqqında bir-birini təkzib edən mülahizələr söyləmiş, əsərin ideyası və aparıcı qəhrəmanı “mücərrəd fəlsəfəçilik” tendensesiyası ilə bağlanmışdır. İnsan dramının həqiqi təhlili M.C.Cəfərovun “Ünvansız məktub”unda tapılır.  “İnsan” dramı kimi Mir Cəlalın “Açıq kitab” romanı da ədəbi tənqiddə kifayət qədər mübahisə doğurmuşdur. M,C.Cəfərov “Açıq kitab”a nəsrimizdə “həqiqətin üzünə dik baxan bir neçə qiymətli” əsərdən biri kimi dəyər verib. Sonda T.Salamoğlu onu da qeyd edib ki, M.C.Cəfərov ədəbiyyatın fəlsəfəsinə nüfuz edən böyük tənqidçi kimi yaddaşlarda qalmışdır.

AMEA-nın Nizami adına Ədəbiyyat İnstitutunun şöbə müdiri, professor Tahirə Məmməd isə “Məmməd Cəfər Cəfərov və klassik irs” mövzusunda məruzə ilə çıxış edib. Qeyd edib ki, M.C.Cəfərov Azərbaycan ədəbiyyatşünaslığının xəzinəsinə daxil olan və Azərbaycan ədəbiyyatşünaslıq elmini zənginləşdirən böyük alimdir. M.C.Cəfərovun ədəbiyyat nəzəriyyəsindən danışanda ən çox istifadə olan əsəri Azərbaycan romantizmidir. Romantizm nəzəriyyəçisi kimi tanınan Məmməd Cəfər Cəfərov Azərbaycan ədəbiyyatşünaslığını əhəmiyyətli dərəcədə zənginləşdirib. 

Tədbirdə çıxış edən ADPU-nun Ədəbiyyat kafedrasının müdiri, dosent Razim Məmmədov, AMEA-nın Nizami adına Ədəbiyyat İnstitutunun direktor müavini, dosent Aygün Bağırlı M.C.Cəfərovla bağlı öz fikir və mülahizələrini bölüşüblər.  

Tədbirin sonunda AMEA-nın Nizami adına Ədəbiyyat İnstitutunun M.C.Cəfərov haqqında yazılmış 3 kitabı universitetə təqdim edilib.

ADPU-nun İctimaiyyətlə əlaqələr və marketinq şöbəsi

Martın 18-də Azərbaycan Dövlət Pedaqoji Universitetinin (ADPU) Tarix və coğrafiya fakültəsində Azərbaycan Coğrafiya Cəmiyyətinin (ACC) ADPU filialının fəallarından, fakültənin “Coğrafiya müəllimliyi” ixtisasının 1802-ci qrup tələbəsi Elsevər Cəlilovun təşəbbüsü və ACC ADPU filialının təşkilatçılığı ilə  “Çanaqqala: 104 illik qəhrəmanlıq dastanı” adlı seminar təşkil edilib. Seminarda Tarix və coğrafiya fakültəsinin dekan müavini, ACC-in vitse-prezidenti, dosent Mətanət Əsgərova, Ümumi coğrafiya kafedrasının müdiri, professor Məhəmməd Abduyev, ekspert qismində dəvət edilmiş Türk və Şərqi Avropa xalqları tarixi və tarixin tədrisi metodikası kafedrasının müəllimi, fakültə Tələbə Elmi Cəmiyyətinin sədri Taleh Cəfərov və fəal tələbələr iştirak ediblər.

          Azərbaycan Respublikasının Dövlət Himninin səsləndirilməsi ilə başlayan seminarı açmaq üçün çıxış edən dosent Mətanət Əsgərova bu tarixi hadisənin əhəmiyyətindən söz açıb, ACC üzvü və fakültənin I tədris ili tələbəsi olan Elsevər Cəlilovun bu təşəbbüsünün təqdirəlayiq hal olduğunu qeyd edib.

          Sonra söz seminarın təşəbbüskarı Elsevər Cəlilova verilib. O, qeyd edib ki, bu tədbirin təşkilində əsas məqsəd tarixi hadisələri yaşatmaq və mahiyyətini dərk etmək fikrindən qaynaqlanır.

          ACC fəalı, istedadlı tələbə, “Coğrafiya müəllimliyi” ixtisasının 301-ci qrup tələbəsi Ramil Ramizov Çanaqqala döyüşü haqqında hazırladığı təqdimatla çıxış edib, tələbələrə bu tarixi döyüşün maraqlı məqamlarından əyani surətdə fotofaktlarla söz açıb. Təqdimatın sonunda “Çanaqqala zəfəri” adlı videoçarx nümayiş olunub.

          Sonra söz ekspert Taleh Cəfərova verilib. Natiq çıxışında Çanaqqala döyüşünün baş verdiyi tarixi şərait, bu zaman Osmanlı imperiyasının qarşılaşdığı gərgin geosiyasi vəziyyət, Birinci Dünya müharibəsi fonunda türk millətinin inamı ilə qazanılan və böyük qələbənin bir dönüş nöqtəsi olduğunu vurğulayaraq bu zəfərin sirlərinin hər bir tələbə-gənc üçün şəxsi və ictimai örnək ola biləcəyini bildirib.

          Tədbirin yekununda vətənpərvərlik marşları səsləndirilib, tələbələrin sualları ətrafında müzakirələr davam etdirilib.

İctimaiyyətlə əlaqələr və marketinq şöbəsi

İyunun 14-də Azərbaycan Dövlət Pedaqoji Universitetində (ADPU) 15 İyun- Milli Qurtuluş Gününə həsr olunmuş tədbir keçirilib. Tədbirdə ADPU-nun rəhbərliyi, fakültə dekanları, kafedra müdirləri, şöbə və bölmə müdirləri, müəllim və tələbələr iştirak ediblər. Tədbir Azərbaycan Respublikasının Dövlət Himninin səsləndirilməsi ilə başlayıb.

[gallery ID=308]

Giriş sözü ilə çıxış edən ADPU-nun rektoru, professor Cəfər Cəfərov tədbir iştirakçılarını 15 İyun-Milli Qurtuluş Günü münasibətilə təbrik edib, onlara uğurlar arzulayıb. Rektor bildirib ki, 1993-cü ilin iyun ayında ölkəmizdə faktiki olaraq vətəndaş müharibəsi təhlükəsi yaranmışdı, dövlət parçalanmaq, dağılmaq təhlükəsi ilə qarşılaşmışdı. Yalnız ümummilli lider Heydər Əliyevin böyük siyasi təcrübəsi, qətiyyəti və iradəsi nəticəsində bu təhlükələrin qarşısı alındı. Ulu öndər Heydər Əliyev öz xilaskarlıq missiyasını cəsarətlə və uğurla yerinə yetirərək ölkəmizdə ictimai-siyasi böhranı, vətəndaş müharibəsi təhlükəsini, separatçılıq cəhdlərini qətiyyətlə aradan qaldırdı, müstəqilliyimizi, dövlət və dövlətçiliyimizi qorudu. Heydər Əliyevin 1993-cü il iyun ayının 15-də xalqımızın inadlı və təkidli tələbi ilə Azərbaycanda yenidən siyasi hakimiyyətə gəlməsi dövlətçilik tariximizin şanlı və parlaq səhifəsidir. Qürur hissi ilə deyə bilərik ki, ADPU-nun müəllimləri Heydər Əliyevin yenidən siyasi hakimiyyətə gəlməsində fəal iştirak ediblər. Müstəqil Azərbaycan Respublikası ulu öndər Heydər Əliyevin şah əsəridir. Qədirbilən xalqımız dahi şəxsiyyət, müdrik lider Heydər Əliyevin xidmətlərini yüksək qiymətləndirir və hər il 15 İyun–Milli Qurtuluş Gününü yüksək əhvali-ruhiyyə ilə qeyd edir.

Tədbirdə Tarix və coğrafiya fakültəsinin Türk və Şərqi Avropa xalqları tarixi və tarixin tədrisi metodikası kafedrasının baş müəllimi Taleh Cəfərov 15 İyun- Milli Qurtuluş Günü haqqında məruzə ilə çıxış edib. T.Cəfərov çıxışında qeyd edib ki, 15 İyun-Milli Qurtuluş Günü böyük ictimai, siyasi və tarixi əhəmiyyət kəsb edən bir gündür. Heydər Əliyev 1993-cü ilin iyununda genişlənmək təhlükəsi olan vətəndaş müharibəsini dayandırmaq üçün ağıllı, düşünülmüş siyasi tədbirlər həyata keçirdi. Heydər Əliyev böyük idarəetmə və dövlətçilik təcrübəsi sayəsində separatçılıq meyillərinin, dağıdıcı ictimai-siyasi proseslərin, dövlət çevrilişlərinə cəhd cinayətlərinin qarşısını qətiyyətlə aldı. Xalq dövlət müstəqilliyimizin təminatçısı olan Heydər Əliyevi dəstəklədi, siyasi yetkinlik, dövlətçilik prinsiplərinə sədaqət nümayiş etdirdi.15 İyun-Milli Qurtuluş Günü Milli Məclisin qərarı ilə 1997-ci il iyunun 27-də rəsmiləşdirildi. Həmin vaxtdan xalqımız 15 İyunu əlamətdar bir tarixi gün kimi qeyd edir.

Müəllim və tələbələrin fəal iştirakı ilə keçən  tədbirdə Elm və innovasiyalar üzrə prorektor, professor Asəf Zamanov, rektorun müşaviri, 91 vətənpərvər ziyalıdan biri, Yeni Azərbaycan Partiyasının Siyasi  Şurasının üzvü, professor Vilayət Əliyev, Tələbə Gənclər Təşkilatının sədr müavini Taleh Mirzəyev çıxış edərək ulu öndər Heydər Əliyevin xalqımız və dövlətimiz qarşısında göstərdiyi böyük xidmətlər, o cümlədən elmin, təhsilin, mədəniyyətin, gənclərin inkişafına göstərdiyi xüsusi diqqət və qayğı barədə fikirlərini bölüşüblər.  

ADPU-nun İctimaiyyətlə əlaqələr və marketinq şöbəsi

Hörmətli həmkarlar, hörmətli əməkdaşlar, əziz tələbələr!

Hər birinizi Novruz bayramı münasibətilə ürəkdən təbrik edir, möhkəm cansağlığı, uzun ömür, səadət və xoşbəxtlik, həyat və  fəaliyyətinizdə uğurlar arzulayıram.

Novruz bayramı Azərbaycan xalqının zəngin ictimai-siyasi fikir tarixində, yüksək milli-mənəvi dəyərləri arasında, həmçinin çoxəsrlik dövlətçilik tarixində mühüm yer tutur. Novruz bayramı ulu əcdadlarımızın bizə gözəl yadigarıdır. Azərbaycanda bu bayram çox qədim zamanlardan əsl milli bayram kimi qeyd olunur. Xalqımız yazın gəlişini ilaxır çərşənbələrindən Novruz axşamınadək müxtəlif şənlik və mərasimlərlə qarşılayır. Təbiətin canlanması ilə başlayan hər yeni ilin firavanlıq, xoşbəxtlik və  əmin-amanlıq gətirməsini arzulayır. Novruz bayramı həm də xalqımızın gələcəyə olan inam hissini, ürək açıqlığını, qonaqpərvərliyini, mehribançılıq və dostluq duyğularını ifadə edir. Novruz bayramında insanın fikri, əməli və istəyi təzələnir, ürəklərdə səmimi insani hisslər, saf duyğular, nəcib arzular oyanır.

Novruz bayramı eləcə də mənəvi gözəlliyi, mərhəməti və xeyirxahlığı özündə təcəssüm etdirir. Tarix boyu heç bir qüvvə Novruz bayramını xalqımızın əlindən almağa, onu insanlarımızın qəlbindən, yaddaşından çıxarmağa nail ola bilməmişdir. Xalqımız Novruz bayramı ilə bağlı adət-ənənələri göz-bəbəyi kimi qorumuş və onları yaşadaraq bugünümüzə çatdırmışdır.

Novruz bayramı xalqımızın dövlətçilıik tarixində mühüm əhəmiyyət kəsb edir.  1918-1920-ci illərdə mövcud olmuş Azərbaycan Xalq Cümhuriyyəti Novruzu ilk dəfə olaraq milli bayram kimi rəsmiləşdirmişdi. Lakin Azərbaycanda Sovet hakimiyyətinin qurulması ilə milli bayramların, o cümlədən Novruz bayramının keçirilməsi də qadağan olunmuşdu.

Azərbaycan XX əsrin sonlarında öz dövlət müstəqilliyini bərpa etdikdən sonra xalqımızın bir çox adət-ənənələri, bayramları yenidən bərpa edildi. Novruz bayramının qeyd edilməsi rəsmiləşdirildi. Novruz bayramının ölkəmizdə rəsmi qaydada keçirilməsi xalqımızın böyük oğlu, qüdrətli zəka sahibi, milli-mənəvi dəyərlərimizin himayədarı, ümummilli liderimiz Heydər Əliyevin adı və vətənpərvər fəaliyyəti ilə bağlıdır. Ulu öndərimiz  Heydər Əliyev xalqımızın çox böyük istəyi və təkidli tələbi ilə respublikamızda yenidən ali siyasi hakimiyyətə qayıtdıqdan sonra bu bayramın dövlət səviyyəsində keçirilməsinin əsası qoyulmuşdur. Dahi öndər Heydər Əliyev paytaxtda Novruz bayramı münasibətilə keçirilən xalq şənliklərində iştirak edir, sadə vətəndaşların bayram əhvali-ruhiyyəsini, sevinc hisslərini bölüşürdü. Dünya şöhrətli siyasi xadim Heydər Əliyevin müdrik dövlətçilik kursunun, strateji inkişaf  konsepsiyasının layiqli davamçısı, Azərbaycan Respublikasının Prezidenti möhtərəm cənab İlham Əliyevin  milli-mənəvi dəyərlərimizə, o cümlədən Novruz bayramına olan qayğıkeş münasibəti bu gün eyni ənənəni yaşadır.  

Azərbaycan Respublikasının Birinci vitse-prezidenti Mehriban xanım Əliyevanın təşəbbüsü, səyləri və bu istiqamətdə apardığı səmərəli əməli fəaliyyəti nəticəsində Novruz bayramı BMT-nin ali mədəniyyət qurumu olan UNESKO-nun qeyri-maddi mədəni irs siyahısına daxil edilmiş, BMT Baş Məclisinin müvafiq qərarı ilə 21 mart rəsmi qaydada Beynəlxalq Novruz Günü elan edilmişdir. Bununla da Novruz bayramı dünya səviyyəsində qeyd edilən beynəlxalq bir təqvimə çevrilmişdir. Novruz bayramı yalnız Azərbaycanda deyil, eləcə də dünyanın bir çox ölkələrində yaşayan 50 milyondan çox soydaşımız üçün milli birliyimizin həqiqi rəmzinə çevrilmişdir.

Dövlət başçımız cənab İlham Əliyevin son vaxtlar imzaladığı sərəncamlar, fərmanlar, qəbul etdiyi qərarlar xalqımız tərəfindən yüksək qiymətləndirilir və təqdir edilir. Ölkə rəhbərliyinin dəqiq düşünülmüş, cəmiyyətin tələb və reallıqlarını nəzərə alan siyasəti Azərbaycan vətəndaşlarının rifah halının yüksəlməsinə, xalq-hakimiyyət birliyinin daha da güclənməsinə əlverişli şərait yaradıb. Yüksək rifaha xidmət edən çevik və mütərəqqi sosial siyasət ölkə vətəndaşlarında böyük məmnunluq yaradıb. Ölkədə aparılan islahatların miqyasının genişlənməsi bizim qarşımızda yeni mühüm və məsuliyyətli vəzifələr qoyur. Qarşımızda dayanan əsas vəzifələrdən biri təhsilin beynəlmiləlləşdirilməsi, tədris planlarının beynəlxalq standartlara uyğun yenidən işlənilməsi, təhsilin keyfiyyətinin yüksəldilməsidir. Biz bu vəzifələri uğurla həyata keçirmək üçün vahid komanda halında əzmlə, ləyaqətlə, fədakarlıqla fəaliyyət göstərməliyik.

Sizi bir daha bu böyük milli bayram münasibətilə təbrik edir, ən xoş, ən gözəl arzularımı bildirirəm. Bayramınız mübarək!