Tarixi: Elmi-Tədqiqat Mərkəzi 2019-cu ildə ADPU-da fəaliyyət göstərmiş 7 elmi–tədqiqat laboratoriyasının bazasında  yaradılmışdır. Mərkəz Fundamental tədqiqatlar, Tətbiqi tədqiqatlar  və Türk araşdırmaları  bölmələrindan ibarətdir.

2020-ci ildən Elmi -Tədqiqat Mərkəzinə tarix üzrə fəlsəfə doktoru, dosent Ərəstun Mehdiyev  rəhbərlik edir.

Tətbiqi tədqiqatlar bölməsinin müdiri pedaqogika üzrə fəlsəfə doktoru, dosent Gülşən Novruzova, Türk araşdırmaları bölməsinin müdiri filologiya üzrə elmlər doktoru, professor Elman Quliyevdir.

Hazırda Mərkəzdə 2 böyük elmi işçi, 9 kiçik elmi işçi, 2 böyük laborant fəaliyyət göstərir.

Fəaliyyəti: 2020-ci il sentyabrın 18-də təsdiq edilmiş Əsasnaməyə görə, Elmi-Tədqiqat Mərkəzi ADPU-nun fəaliyyət istiqamətlərini prioritet seçməklə, təbiət və humanitar elmlər sahəsində fundamental və tətbiqi tədqiqatlar üzrə müasir texnologiyalar və tədqiqat üsullarının köməyi ilə araşdırmalar aparan, əldə edilən nəticələrin tədris prosesində və praktikanın başqa sahələrində istifadə olunması üçün müvafiq təkliflər verən struktur bölmədir. Mərkəz  ADPU-nun digər struktur bölmələri ilə qarşılıqlı əlaqədə fəaliyyət göstərir, Azərbaycan Milli Elmlər Akademiyasının institutları, başqa elmi müəssisələr  və ali məktəblər, qeyri-hökumət təşkilatları, xarici elm və təhsil qurumları ilə əməkdaşlıq edir, birgə tədqiqatlar aparır.

Əsasnaməsi