2022-ci ilin sentyabrında ADPU-nun Elmi şurasının qərarı ilə  universitetin fəaliyyətinin geniş işıqlandırılması və ictimaiyyətlə əlaqələrin təkmilləşdirilməsi məqsədi ilə İctimaiyyətlə əlaqələr və marketinq şöbəsi yaradılmışdır.  

2006-ci ildə universitetin ölkənin kütləvi informasiya vasitələri ilə sıx əl­aqə­lərinin qurulması və universitetin mədəni-kütləvi, elmi-pedaqoji həyatının işıqlandırılması məqsədi ilə Mətbuat və informasiya şöbəsi yaradılmışdır. Şöbəyə 2006-2019-cu illərdə tanınmış jurnalist Mənsur İbrahimli rəhbərlik et­miş­dir. 2017-ci ildə şöbənin adı dəyişdirilərək İctimaiyyətlə əlaqələr və mar­ketinq adlandırılmışdır.

2021-ci ilin mart ayında İctimaiyyətlə əlaqələr və marketinq şöbəsinin Tədbirlərin təşkili və tələbələrlə iş şöbəsinə birləşdirilməsi nəticəsində  daha geniş s­ə­lahiyyətlərə malik Tələbələrlə iş və ictimaiyyətlə əlaqələr şöbəsi ya­­radıl­mış­dır. Şöbəyə Turan Kərimli rəhbərlik etmişdir. 2022-ci ilin sentyabrında təkmilləşdirmə işləri ilə əlaqədar olaraq müstəqil İctimaiyyətlə əlaqələr və marketinq şöbəsi yaradılmışdır. Şöbəyə 2022-2024-cü illərdə Cavid Hüseynov (mətbuat katibi) rəhbərlik etmişdir. Hazırda şöbəyə Taleh Mirzəyev (mətbuat katibi) rəhbərlik edir.

Şöbə:

1) Universitetin gündəlik fəaliyyəti, təhsil və beynəlxalq əməkdaşlıq sahəsində qazanılan uğurların kütləvi informasiya vasitələrində işıqlandırılmasını təmin edir;

2) ADPU-nu yerli və beynəlxalq mədəni-kütləvi tədbir və layihələrdə təmsil edir;

3) universitetin  rəsmi sosial media hesablarını (facebook, instagram, twitter, telegram,  youtube və s) idarə edir;

4) universitetin  fə­aliy­yətinin təbliğinə dair çap materialları hazırlayır;

5) Universitetin rəsmi www.adpu.edu.az saytının məzmununu idarə edir və məlumatrların mütəmadi yenilənməsini təmin edir;

6) Universitet həyatını  kütləvi infor­masiya vasitələrində təbliğ edir;

7) Universitetin orqanı olan “Gənc müəllim” qəzetini nəşr edir;

8) Media monitorinqini aparır və s.

   Universitetin tələbələr və ictimaiyyətlə əlaqələrini inkişaf etdirmək məqsədi ilə sosial media marketinq komandası yaradılmışdır. 2020-ci ilin oktyabrından  uni­ver­sitetin rəsmi sosial media hesabları yenidən qurulub, instagram və twitterdə va­hid rəsmi səhifələr yaradılıb, universitetin rəsmi telegram kanalı istifadəyə verilib. Fərqli konseptdə və operativ fəaliyyət göstərən səhifələr tələbələr ara­sın­da böyük auditoriya toplamağa, facebook, instagram, telegram, twitter və youtubedə minlərlə real izləyici kütləsinin diqqətini cəlb etməyə nail olub.

  Universitetin mətbu orqanı olan “Gənc müəllim” qəzeti yeni üslub və di­zayn­da rəngli formada çap və elektron qaydada dərc edilməyə başlanıb. KİV-lə əlaqələr son illərdə daha intensiv xarakter alıb. Universitetin fə­aliyyəti müxtəlif informasiya agentlikləri tərəfindən müntəzəm olaraq işıq­lan­dırılır. 100 illik yubileylə əlaqədar olaraq “Youtube” plat­for­ma­sın­da universitetin “ADPU TV” adlı onlayn televiziyası istifadəyə verilib. Da­vamlı fəaliyyətə başlayan bu layihənin müəllifləri, kanalın yayım və texniki hey­əti könüllü tələbələrdən ibarətdir.

  ADPU SMM komandasının rəsmi telegram kanalına əlavə etdiyi “ADPUbot” süni intellekt botu ilə tələbələr onları  maraqlandıran suallara cavab alırlar.

Şöbədə hazırda 3 nəfər əməkdaş çalışır.