İnformasiya və kommunikasiya texnologiyaları mərkəzi ADPU-nun rəsmi web səhifəsinin hazırlanması və daimi yenilənməsi, ADPU-da internet və yerli şəbəkələrin çəkilməsi və işlək vəziyyətdə saxlanılması, elektron təhsil platformalarında işin təşkili və təhsilin informasiyalaşdırılması sahəsində digər istiqamətlərdə fəaliyyət göstərir. Halhazırda İKT mərkəzinin direktoru Fərhad Soltan oğlu Mirəliyevdir. Adıçəkilən mərkəzin tərkibində Elektron təhsil şöbəsi, İstifadəçilərə dəstək şöbəsi və Sistem və şəbəkə inzibatçılığı şöbəsi fəaliyyət göstərirlər:

İstifadəçilərə dəstək şöbəsinin formalaşması ADPU-da informasiya sistemlərinin yaranması və onlara xidmət olunması zərurətindən yaranmışdır. İstifadəçilərə dəstək şöbəsinin fəaliyyətinə son istifadəçilərə İT üzrə dəstəyin göstərilməsi (Help Desk), APDU-nun informasiya sistemlərinin qurulması və daima işlək vəziyyətdə saxlanılması, müntəzəm olaraq mövcud sistemə nəzarət edilməsi daxildir. Həmçinin İstifadəçilərə dəstək şöbəsi ADPU-da çalışan inzibati və akademik heyətə İT üzrə bilik və vərdişlərə yiyələnməsinə də yardım edir. Bu məqsədlə müəyyən təbliğat aparılır. İstifadəçilərə dəstək şöbəsi avadanlıq və qurğulardan istifadə qaydaları haqqında təlimatı, onlardan istifadə qaydalarını müəyyən edir.

Sistem və şəbəkə inzibatçılığı şöbəsi şəbəkə infrastrukturunun təkmilləşdirilməsini, şəbəkə təhlükəsizliyinin təminatını, yeni serverlərin quraşdırılmasını, mövcud serverlərin bərpasını həyata keçirir. Şöbə eyni zamanda bütün avadanlıqların, server resurslarının, sistemlərin və proseslərin təlimat üzrə çalışmasını yoxlayır. Proqram və aparat təminatı ilə bağlı problemlərin təlimat əsasında həllini həyata keçirir. Sistem idarəetmə məsələlərində yeni və mümkün olduqca avtomatlaşdırılmış yanaşmalar tətbiq edir. İstifadəçilər üçün korporativ elektron poçtların yaradılmasını təşkil edir. ADPU-nun daxili şəbəkəsinə və kamera sisteminə texniki dəstək göstərir. ADPU-nun rəsmi web səhifəsini hazırlayır və daima yeniləyir. Şöbə həmçinin elektron tədris resurslarının tədris prosesində tətbiqinə dəstək vermək, internetin imkanlarından (bloqlar, sosial şəbəkələr, saytlar və s.) istifadə etməklə həyata keçirilən yeni tədris üsulları barədə universitet əməkdaşlarını məlumatlandırmaq, tədris məqsədilə müəllimləri internetdən fəal istifadəyə cəlb etmək, tədris məqsədləri üçün internetdən istifadənin yeni formalarını axtarmaq, təhsil müəssisələrində elektron resurslarından istifadəni genişləndirmək, müəllimləri elektron resurslarını yaratmaq, istifadə etmək və inkişaf etdirmək baxımından həvəsləndirmək istiqamətlərində işlər görür.