Azərbaycan Respublikası Elm və Təhsil Nazirliyinin SABAH qrupları əmək bazarının artan tələblərinə müvafiq olaraq intellektual və yaradıcılıq potensialının inkişafı və ixtisaslar üzrə kompetensiyalara tam yiyələnməsini, ali təhsilin keyfiyyətinin yüksəldilməsini və tədrisin təşkilində mütərəqqi forma və metodların tətbiqini təmin etmək məqsədi ilə Azərbaycan Respublikasının Təhsil nazirinin 19.06.2014-cü il tarixli, 734  №-li əmri ilə 2014/2015-ci tədris ilində 5 ixtisas istiqaməti, (təhsil, texniki, təbiət, humanitar, iqtisadiyyat) 34 ixtisas üzrə 7 ali təhsil müəssisəsində yaradılmışdır.Bu ali təhsil müəssisələri sırasında ADPU-da 2014\2015-ci tədris ilindən SABAH qruplarında 2 ixtisas: İbtidai sinif müəllimliyi (050118) və Riyaziyyat və İnformatika müəllimliyi (050105) üzrə kadr hazırlığına başlanılmış və  2019\2020-ci tədris ilindən isə bu ixtisaslarla yanaşı Azərbaycan dili ədəbiyyat müəllimliyi (050101) və Məktəbəqədər təhsil (050120 ) ixtisasları üzrədə kadr hazırlıqı aparılmaqa başlanılmışdır. Hazırda ADPU SABAH qruplarında 4 ixtisas üzrə 225 tələbə təhsil alır.