Strateji İnkişaf Mərkəzi

strastejuinkisaf

Haqqında
Əlaqə
Əməkdaşları

    Azərbaycan Respublikasının təhsil naziri Emin Əmrullayevin 25 iyun 2021-ci ildə imzaladığı müvafiq əmrlə Azərbaycan Dövlət Pedaqoji Universitetinə (ADPU) yeni prorektor təyin olunub. Əmrə əsasən Könül İsaq qızı Pirverdiyeva Pedaqoji Universitetin strateji inkişaf məsələləri üzrə prorektoru təyin edilib.

    Strateji inkişaf məsələləri üzrə prorektorluğa tabe yeni bir mərkəz – Strateji İnkişaf Mərkəzi (SİM) yaradılıb. SİM bir müdir, üç nəfər baş mütəxəssis, iki nəfər mütəxəssis və operator ştatından ibarətdir.

    SİM öz fəaliyyəti dövründə bir çox işlər həyata keçirmişdir. Bu fəaliyyətlərdən xüsusilə tələbələrin maarifləndirilməsi istiqamətində seminarları qeyd etmək olar. Belə ki, SİM əməkdaşları tərəfindən tələbələr üçün müxtəlif məzmunda seminarların keçirilməsində məqsəd onların müasir dövrün aktual təhsil probləmləri ilə tanış etmək və bu probləmlərin həll yollarını göstərməkdir. Həmçinin, tələbə məmnuniyyətinin ölçülməsi və dərslərin daha səmərəli təşkil edilməsi məqsədilə mütəmadi olaraq sorğular təşkil edilir.

    Təhsil Texnologiyaları Mərkəzinin binasında tədris edilən CVU ikili diplom proqramı və SABAH magistratura proqramının kurasiyasını SİM  həyata keçirir.

    2021-2022-ci illərdə ölkəmizdə keçirilən beynəlxalq qiymətləndirmələr üzrə təlimlərin təşkili məsələləri Strateji İnkişaf Mərkəzi (SİM) tərəfindən icra edilmişdir. Belə ki, TIMSS 2023, ICILS 2023, PISA 2022 beynəlxalq qiymətləndirmələr üzrə öyrənən və öyrədənlər üçün təlimlərin təşkili, keçirilməsi mərkəzin əməkdaşları tərəfindən həyata keçirilmişdir. Mərkəz həmçinin ölkəmizin qoşulduğu beynəlxalq qiymətləndirmələr haqqında tələbələri məlumatlandırmış və onların bu qiymətləndirmədə yaxından iştirakına şərait yaratmışdır.

     Azərbaycan Gənc Müəllimlər Assosiasiyası  ilə əməkdaşlıq çərçivəsində ADPU SİM-in mütəxəssisləri gənc müəllimlər üçün bir sıra modullar üzrə təlim materialları hazırlayıblar. Bu təlim materiallarından istifadə edilərək müəllimlər üçün kurslar təşkil edilir. Bununla yanaşı, SİM tərəfindən hazırlanmış "Müəllimin əl kitabı: Sinfin idarə olunması" adlı vəsait bütün təhsil ictimaiyyəti üçün istifadəyə açıqdır.

     Azərbaycan Respublikası Təhsil Nazirliyinin dəstəyi ilə “Rəqəmsal bacarıqlar” layihəsi çərçivəsində ADPU-nun "Riyaziyyat və İnformatika müəllimliyi" və "İnformatika müəllimliyi" ixtisaslarında (SABAH qrupları daxil olmaqla) təhsil alan sonuncu kurs tələbələri üçün "Gələcək üçün kod” adlı Alqoritmika təlimlərinə start vermişdir. Bu təlimlərin təşkil edilməsi və təlim keyfiyətinin ölçülməsinə nəzarəti ADPU SİM əməkdaşları həyata keçirirlər.

     Təhsil Nazirliyinin ADPU SİM ilə birgə gələcəkdə dövlət ümumi təhsil müəssisələrində direktor vəzifəsində çalışmaq arzusunda olan pedaqoji kadrlar üçün "Məktəb liderliyi" proqramı təşkil olunur.

Strateji İnkişaf Mərkəzinin yerləşdiyi inzibati bina: ARTİ Təhsil Texnologiyaları Mərkəzi

Otaq nömrəsi: 414

Email ünvanı: Bu email ünvanı spambotlardan qorunur. Onu görmək üçün JavaScripti qoşmaq lazımdır.

N

Ad, Soyad, Ata adı

Vəzifə

1.

Ləman Seyidova Rauf

Baş mütəxəssis

2.

Leyla Cabbarzadə Eldar

Baş mütəxəssis

3.

Nərgiz Mehdiyeva Əsgər

Mütəxəssis

4.

Nilufər Əliyeva Vahid

Operator

 

Ünvan məlumatları

Üzeyir Hacıbəyli, 68, Bakı, Səbail, AZ1000

Şəbəkəmiz

Kollec və filiallarımız ilə tanış olun

Xəbərlərə abunə olun

E-poçt ünvanınızı daxil etməklə məlumat əldə edin