Təqaüd imkanları

              Dövlət sifarişi və ödənişli əsaslarla təhsil almalarından asılı olmayaraq əyani təhsil alan tələbələrə təqaüd onların ümumi orta müvəffəqiyyət göstəricisinə (ÜOMG) görə təyin edilir. Bundan əlavə dövlət hesabına maliyyələşən təqaüd yerlərinin sayı 2019/2020-ci tədris ilindən etibarən artırılmağa başlanılıb. Hazırda ADPU-da bu nisbət 70 faizə qədərdir.

İmtahan sessiyasından sonra fakültələrdə tələbələrin həmin semestr üçün ÜOMG-nə əsasən (ən yüksək nəticə göstərənlər) təqaüd alanların siyahısı müəyyən olunur, tələbələrə elan edilir və fakültə elanlar lövhəsində paylaşılır.

              Bundan əlavə universitetdə təhsil nazirinin əmrinə əsasən, 2017-ci ildən SABAH qruplarının tələbələrinə məqsədli təqaüd təyin olunur.

2014-cü ildən qəbul imtahanlarında 500-dən çox bal toplayan və ixtisas seçimində birinci və ya ikinci yerdə müəllimlik ixtisasını qeyd edənlər Elm və Təhsil Nazirliyinin aylıq 100 manat məbləğində “Gələcəyin müəllimi” təqaüdünü almaq hüququ qazanırlar.

              Azərbaycan Təhsil İşçiləri Azad Həmkarlar İttifaqı Respublika Komitəsi tərəfindən hər semestr ADPU THİK-in üzvü olan ictimai fəal və akademik göstəriciləri yükəsk olan 5 tələbəyə 300 manat məbləğində birdəfəlik təqaüd verilir.

ADPU-nun Elmi Şurasının müvafiq qərarlarına əsasən, imtahan sessiyaları dövründə ÜOMG-si yüksək olan tələbələrə  isə adlı təqaüdlər təyin olunur.

Adlı təqaüdlər