Tədrisin informasiya təminatı şöbəsi 30.09.2022-ci il tarixindən ADPU-nun Tədris Departamentinin tərkibində  fəaliyyətə başlamışdır. 
Şöbənin əsas funksiyası tədris sisteminin informasiyalaşdırılması üzrə cari və perspektiv proqnozları müəyyən etmək, tədris sisteminin informasiyalaşdırılmasına yönəlmiş layihələri və işləri əlaqələndirmək, monitorinqini aparmaq, səmərəliliyi təhlil etmək və müvafiq təkliflər verməkdən ibarətdir.
Şöbə Elm və təhsil Nazirliyinin və Universitetin müyyən etdiyi strategiya əsasında tədrisin informasiyalaşdırılması üzrə qısamüddətli və uzunmüddətli tədbirlər planını formalaşdırır,  razılaşdırılmış tədbirlər planını icra edir və müəyyən edilmiş əsas məhsuldarlıq göstəriciləri ilə müqayisə edilən hesabatlar təqdim edir. 
Tədris heyətinin tələblərinə cavab verə biləcək informasiya təminatı üzrə platformaları və rəqəmsal həlləri müəyyən edir. Şöbə  mövcud elektron tədris informasiya platformalarında aparılan prosesinin keyfiyyətinə nəzarət edir və statistikanın təmin edir, analitik təhlilini aparır, platformalarda görüləcək işlər üçün fakültələrə və digər şöbələrə texniki dəstək göstərir.