Azərbaycan Dövlət Pedaqoji Universitetinin (ADPU) elm və innovasiyalar üzrə prorektoru, professor Asəf Zamanov Beynəlxalq Türk Mədəniyyəti Təşkilatının (TÜRKSOY)  “TÜRKSOY-un 30 illiyi” yubiley medalı ilə təltif edilib. Medalı TÜRKSOY-un baş katibi, pofessor Sultan Rayev təqdim edib.                        
Qeyd etmək yerinə düşər ki, türk dünyası universitetlərində ilk TÜRKSOY kafedralarından biri 7 dekabr 2017-ci il tarixində ADPU-da yaradılıb. Yaradıldığı vaxtdan həmin kafedraya professor Asəf Zamanov rəhbərlik edir. Kafedranın fəaliyyəti dövründə türk dünyasının görkəmli elm, mədəniyyət və siyasi xadimlərinin yubileyləri münasibətilə beynəlxalq elmi konfranslar, konqreslər təşkil edilmiş, həmçinin A.E.Krımskinin "Nizami və müasirləri" monoqrafiyası ilk dəfə Azərbaycan dilinə tərcümə edilmişdir.