Martın 30-da Azərbaycan Dövlət Pedaqoji Universiteti Təhsil Könüllüləri Tələbə Birliyinin (ADPU TKTB) İntellekt dərnəyi və Tarix və coğrafiya fakültəsinin təşkilatçılığı ilə tələbələr arasında "Xəmsə" intellektual yarışı keçirilib.
Yarışda, ümumilikdə 12 komanda - "Lady Club", "Legion", "Optimistlər", "Lim10", "Beşlik", "Master Club", "Ərtoğrul", "SABAH", "Bosses", "Diamond", "Dreams" və "Nizami stansiyası" komandaları qalibiyyət uğrunda mübarizə aparıblar.
Yarış zamanı iştirakçılara dünyagörüşünə dair, ümumilikdə 5 mövzuda 30 sual təqdim olunub. 
5 mərhələdən ibarət yarışın yekun nəticələrinə əsasən, ADPU SABAH qrupları tələbərinin “SABAH" komandası qalib olub.
Sonda qalib komandalar diplomla təltif edilib, iştirakçılarla xatirə şəkili çəkdirilib.