"Pedaqoji Universitetin Gələcək Təhsil Liderləri" müsabiqəsinin xüsusi mükafatçısı İlkin Vahid oğlu Quluzadə Xırdalan şəhər 10 saylı məktəbi “Fəxri Məzun” olaraq bitirib. 2019-cu ildə Bakı Slavyan Universitetinin Filologiya fakültəsinə daxil olub və 2023-cü ildə universitet birincisi olaraq “Fəxri Diplom”la məzun olub.
2023-cü ildə Pedaqoji Universitetin “Təlim və tədrisin təşkili və metodikası” ixtisasılaşması üzrə magistraturasına daxil olub. I tədris ili tələbəsidir.
Təhsil aldığı müddət ərzində bir çox uğurlar qazanıb. Hələ orta məktəbdə oxuyarkən dəfələrlə təltif olunub. 2019-cu ildə YAP Nəsimi rayon təşkilatının universitetlər arasında keçirdiyi “Qarabağ Azərbaycadır!” inşa müsabiqəsində II yer tutub və diplomla təltif olunub.
