Azərbaycan Dövlət Pedaqoji Universitetinin (ADPU) Beynəlxalq əlaqələr üzrə prorektorluğunun nəzdində Təlim-Tədris Mərkəzi tərəfindən “İnklüziv təhsil üçün davamlı peşəkar inkişaf” mövzusunda 36 saatlıq onlayn təlim kursu keçirilib.
ADPU-nun baş müəllimi, pedaqogiya üzrə fəlsəfə doktoru Gülşən Eminova  tərəfindən interaktiv formada keçirilən təlim kursunda müdavimlərə insan hüquqlarına əsaslanan inklüziv təhsil, əlilliyin sosial modeli, inklüziv sinif təcrübəsinin yaradılması: uşaqyönümlü pedaqoqika, inklüziv siniflərdə müxtəlif təlim üsulları, təqdimat və çıxış etmək bacarıqlarının formalaşdırılması, bədən dili, inklüziv siniflərdə dərs planlaşdırılmasına verilən tələblər, inklüziv siniflərdə qiymətləndirmə metodları istiqamətlərində nəzəri və praktik biliklər verilib, müzakirələr aparılıb.