Previous Next

ADPU-da professor-müəllim heyətinin reytinq qiymətləndirilməsi ilə bağlı iclas keçirilib

Yanvarın 18-də Azərbaycan Dövlət Pedaqoji Universitetində (ADPU) 2022-ci il üzrə professor-müəllim heyətinin reytinq qiymətləndirilməsi ilə bağlı Keyfiyyət Komissiyasının iclası keçirilib.
Giriş nitqi ilə çıxış edən rektor professor Cəfər Cəfərov bildirib ki, Pedaqoji Universitetdə akademik heyətin elmi-pedaqoji fəaliyyətinin stimullaşdırılması və diferensial sosial təminat sistemini inkişaf etdirmək məqsədi ilə artıq beş ildir ki, müntəzəm olaraq professor-müəllim heyətinin illik reytinq qiymətləndirilməsi keçirilir. Rektor vurğulayıb ki, qiymətləndirmə nəticəsində elmi-tədqiqat, pedaqoji və ictimai fəaliyyətində fərqlənən müəllimlərin əməkhaqqılarına aylıq əlavələr tətbiq olunur.
Çıxış edən tədris işləri üzrə prorektor dosent Eldar Aslanov diqqətə çatdırıb ki, ötən il reytinq qiymətləndirilməsi ilə bağlı Keyfiyyətin təminatı şöbəsi tərəfindən təkcə ADPU deyil, filiallar və Pedaqoji Kollecin də professor-müəllim heyətinin sənədləri qəbul olunub və proses könüllü əsaslarla bütün ADPU şəbəkəsini əhatə edib.
Daha sonra Keyfiyyətin təminatı şöbəsinin müdiri dosent Qalib Şərifov təqdimatla çıxış edərək 2022-ci il üzrə reytinq qiymətləndirilməsi prosesi haqqında məlumat verib. Şöbə müdiri bildirib ki, ötən ilin noyabrın 1-dən dekabrın 1-nə qədər əsas iş yeri ADPU, onun filialları və kolleci olan 1206 müəllimdən müvafiq sənədlər qəbul olunub. Sənədlər Keyfiyyət Komissiyası tərəfindən qiymətləndirilərək meyarlar üzrə müvafiq ballar hesablanıb. Prosesin, əsasən, tamamlandığını qeyd edən Q.Şərifov nəticələrlə bağlı ümumilikdə 75 apelyasiya müraciətinin daxil olduğunu, onlardan da 35 məsələnin spesifikliyi nəzərə alınaraq bugünkü iclasda Komissiya tərəfindən müzakirə olunacağını diqqətə çatdırıb.
İclasın yekununda ADPU-da professor-müəllim heyətinin reytinq qiymətləndirilməsi meyarlarının təkmilləşdirilməsi və gələcəkdə tədris-köməkçi heyət arasında da reytinq qiymətləndirilməsinin aparılması ilə bağlı müvafiq təkliflərin hazırlanması haqqında qərar qəbul olunub

Ünvan məlumatları

Üzeyir Hacıbəyli, 68, Bakı,
Səbail, AZ1000

 

Şəbəkəmiz

Kollec və filiallarımız ilə tanış olun

Xəbərlərə abunə olun

E-poçt ünvanınızı daxil etməklə məlumat əldə edin