ADPU-nun Quba filialının Ədəbiyyat və dillər kafedrasının baş müəllimi Sərxan Cəfərovun coğrafiyaçı alim Zaur İmrani ilə birlikdə WoS və SCOPUS elmmetrik bazalarında indekslənən, 0.4 impakt faktor, Q4 kateqoriya göstəricili   “International Journal of Professional Business Review”           

jurnalında (httpswww.scimagojr.comjournalsearch.phpq=21101045037&tip=sid&clean=0) məqalələri çap olunub.
Belə ki, Azərbaycanda ilk dəfə olaraq dosent Zaur İmraninin və Sərxan Cəfərovun müəllifi olduğu “İstehsal və təhsildə davamlı inkişaf modelinin strateji məqsədləri” məqaləsi Amerika alimlərinin diqqətini cəlb etmiş və məqalə “International Journal of Professional Business Review” jurnalında nəşr olunmuşdur. Məqalə təhsilimizdə həm sinergetik yanaşma, həm də inteqrativ istiqamət baxımından yeni yanaşmalardan biridir (httpswww.openaccessojs.comJBReviewarticleview2603).
ADPU-nun Şəki filialının elmi işlər üzrə direktor müavini dosent Nuralı Çələbiyevin “Patriarxal və neopatriarxal ailə mühitində gender rollarına qarşı maneə və məhdudiyyətlər” adlı yeni elmi məqaləsi isə Türkiyə Respublikasında nəşr olunan və SCOPUS və EBSCO elmmetrik bazalarında indekslənən H-12 indeksli (kvartil-Q-1) “Pozitiv Psixologiya və Rifah” juralında (2023-cü il,cild 7, N2, səh. 1395-1406) ingilis dilində nəşr olunub.