23-27 sentyabr tarixlərində Azərbaycan Dövlət Pedaqoji Universitetində (ADPU) ERASMUS+KA1 proqramı çərçivəsində Polşanın Rzeszow Universitetinin Sosial pedaqogika kafedrasının müdiri professor Piotr Nowakowski mobillikdə iştirak edib.

Səfər zamanı prof. Piotr Nowakowski ADPU-nun İbtidai təhsil fakültəsində tədris ixtisasları üzrə mühazirələr keçib, tələbə və müəllim heyəti ilə geniş müzakirələr aparıb.

Səfərin məqsədi ADPU-nun İbtidai təhsil fakültəsində tədris ixtisasları üzrə mühazirələr keçirmək, tələbə və müəllim heyəti ilə müzakirələr aparmaq və bu sahədə əməkdaşlıq əlaqələrini genişləndirməkdir.