Previous Next

ADPU və Beynəlxalq Final Universiteti arasında akademik əməkdaşlıq qurulur

Aprelin 2-də Azərbaycan Dövlət Pedaqoji Universitetində (ADPU) Türkiyənin Beynəlxalq Final Universitetinin (BFU) nümayəndə heyəti ilə görüş keçirilib. Görüşdə Beynəlxalq Final Universitetinin rektoru professor Orxan Gəmiqonaqlı, icraçı direktor Bülənd Daşəl, beynəlxalq əlaqələr üzrə koordinator və Multikultural Yay Məktəbi Departamentinin direktoru Orxan Həsənoğlu, ADPU tərəfindən isə universitetin rektoru professor Cəfər Cəfərov, beynəlxalq əlaqələr üzrə prorektoru professor Mahirə Hüseynova, tədris işləri üzrə prorektoru dosent Eldar Aslanov və Beynəlxalq əlaqələr şöbəsinin müdiri Günay Məhərrəmova iştirak ediblər. 

Görüş zamanı universitetlərarası akademik əlaqələrin inkişaf perspektivləri, ortaq elmi tədqiqatların aparılması, təhsil proqramlarının inteqrasiyası və müəllim-tələbə mobilliyi kimi əsas mexanizmlərin həyata keçirilməsi məsələləri müzakirə edilib. Görüşün sonunda ADPU və Beynəlxalq Final Universiteti arasında əməkdaşlığa dair müqavilə imzalanıb.

ÜNVAN MƏLUMATLARI

Üzeyir Hacıbəyli, 68, Bakı,
Səbail, AZ1000

XƏBƏRLƏRƏ ABUNƏ OLUN

E-poçt ünvanınızı daxil etməklə məlumat əldə edin

Search