Müasir Azərbaycan dövlətinin memarı və qurucusu, Ulu Öndər Heydər Əliyevin anım günü münasibətilə Azərbaycan Dövlət Pedaqoji Universitetinin (ADPU) Şəki filialında silsilə tədbirlərin davamı olaraq dekabrın 12-də filialın Tələbə Gənclər Təşkilatının İntellektual Oyunlar Klubunun təşkilatçılığı ilə tələbələrarası bilik yarışı keçirilib. Yarış Ulu Öndərin həyat və çoxşaxəli fəaliyyyətini əhatə edən suallar əsasında təşkil edilib. Yarışda filialın müxtəlif ixtisaslarında təhsil alan tələbələrdən ibarət 16 komanda iştirak edib. İki mərhələdə keçirilən yarışda “Xudayar” komandası birinci, “Bayraqdar” ikinci, “Fuego” komandası isə üçüncü yer tutub. Qalib gələn komandaların üzvlərinə müvafiq olaraq l, ll və lll dərəcəli diplomlar təqdim olunub.