Dekabrın 27-də Azərbaycan Dövlət Pedaqoji Universitetində (ADPU) Beynəlxalq Əlaqələr üzrə prorektorluğunun nəzdində fəaliyyət göstərən Təlim-tədris mərkəzi və Universitetin İnformasiya və kommunikasiya texnologiyaları mərkəzinin birgə təşkilatçılığı ilə “Korporativ məlumatların təhlükəsizliyi” mövzusunda məlumatlandırıcı sessiya təşkil edilib. “Teams” platforması vasitəsilə onlayn formada keçirilən sessiyada İKT Mərkəzinin direktoru Fərhad Mirəliyev “Kompüterdən təhlükəsiz istifadə qaydaları”, “İstifadəçi hesablarının şifrələrinə dair tələblər” və “Cari təhlükəsizlik məsələləri” mövzularında təqdimatlar edib, iştirakçıları maraqlandıran sualları cavablandırıb.
Məlumatlandırıcı sessiyada universitetin kafedra müdirləri, şöbə müdirləri, lobarant və mütəxəssislər iştirak edib.