Sentyabrın 6-dan Azərbaycan Respublikası Elm və Təhsil Nazirliyi və Azərbaycan Dövlət Pedaqoji Universitetinin Strateji İnkişaf Mərkəzinin birgə əməkdaşlığı ilə həyata keçirilən, gələcəkdə dövlət ümumtəhsil müəssisələrində direktor vəzifəsində çalışmaq arzusunda olan pedaqoji kadrlar üçün nəzərdə tutulan“Məktəb Liderliyi Proqramı”nın II çağırışı üzrə müsahibələrin əyani mərhələsinə start verilmişdir.
Bakı və Sumqayıt şəhərləri, həmçinin Abşeron rayonundan müraciət edən namizədlərin müsahibələri 13 sentyabr tarixinə qədər davam edib.
Məlumat üçün qeyd edək ki, digər şəhər və regionlardan müraciət edən namizədlər üçün müsahibə mərhələsi 16 sentyabrdan etibarən onlayn formada təşkil olunacaqdır.