Bu il Pedaqoji Universitetdən filiallar və Pedaqoji Kolleclə birgə ümumilikdə 4700 nəfərdən çox tələbənin məzun olması nəzərdə tutulur. Sevindirici haldır ki, ADPU-nun bakalavr səviyyəsi üzrə cari il məzunlarının  812 nəfəri (34 %) magistraturaya qəbul imtahanlarından uğurla keçərək ixtisas seçimi mərhələsində iştirak etmək hüququ qazanıblar. Eyni zamanda, bu günədək ADPU-nun 54 nəfər sonuncu tədris ili tələbəsi xarici ölkələrin ali təhsil müəssisələrinin magistraturalarına sənəd təqdim ediblər (sayın artacağı proqnozlaşdırılır). Həmçinin bu il məzun olanlardan 34 nəfər SABAH magistratura, 44 nəfər SABAH bakalavr, 42 nəfər isə ADPU-nun ABŞ-nin Corc Vaşinqton Universiteti ilə birgə magistr ikili diplom proqramının məzunlarıdır.