Elm və Təhsil Nazirliyi və Azərbaycan Təhsil İşçiləri Azad Həmkarlar İttifaqı Respublika Komitəsinin birgə təşkilatçılığı ilə ali təhsil müəssisələrinin tələbələri arasında keçirilən, Ümummilli Lider Heydər Əliyevin anadan olmasının 101-ci ildönümünə həsr olunmuş tələbələrin bədii yaradıcılıq müsabiqə-festivalının qaliblərinin mükafatlandırılma mərasimi keçirilib.

26 ali təhsil müəssisəsinin tələbələri arasında keçirilən müsabiqə-festivalında mükafata layiq görülənlər arasında Azərbaycan Dövlət Pedaqoji Universitetinin (ADPU) xor kollektivi və ADPU Tələbə Həmkarlar İttifaqı Komitəsinin (ADPU THİK) fəal üzvləri də yer alıb.

Müsabiqə-festivalda Pedaqoji Universitetin xor kollektivi müvafiq nominasiya üzrə II yerə layiq görülüb. Filologiya fakültəsinin tələbəsi Aytac Muradlı "Bədii qiraət (klassik)" nominasiyasında, Riyaziyyat fakültəsinin tələbəsi Dilarə Abdullazadə isə "Vokal (müasir)" nominasiyasında  I yer tutublar. İncəsənət və fiziki tərbiyə fakültəsinin tələbəsi, II Qarabağ müharibəsi qazisi Afiq Əsədov "Aşıq musiqisi" nominasiyasında II yerə layiq görülüb.