Cari ilin tələbə qəbulu müsabiqəsində iştirak edərək yüksək nəticə göstərən Tağızadə Zümrüd Cəbrayıl qızı 651.9 balla Azərbaycan Dövlət Pedaqoji Universitetinin riyaziyyat və informatika müəllimliyi ixtisasına qəbul olunub.
O, 2022-ci ildə ADPU-ya ən yüksək balla qəbul olunan tələbədir.
Qeyd edək ki, Zümrüd orta məktəbi fərqlənmə diplomu ilə bitirib.
Zümrüdün əkiz bacısı Yaqut Tağızadə də qəbul imtahanlarında 586.3 bal toplayaraq Pedaqoji Universitetin Azərbaycan dili və ədəbiyyatı müəllimliyi ixtisasına qəbul olunub. Zümrüd və Yaqut bacıları Bakı şəhəri V.Mirzəliyev adına 281 saylı məktəbin məzunlarıdır.