beynelxalq_elaqelerezgifcom-gif-maker_4.webp

Beynəlxalq əlaqələr
Beynəlxalq layihələr
Xarici mütəxəssislər
Mübadilə proqramları

Beynəlxalq  əlaqələr şöbəsi Azərbaycan Dövlət Pedaqoji Universitetinin (ADPU) və struktur bölmələrinin beynəlxalq fəaliyyətinin idarə olunması və inkişaf etdirilməsinə görə məsuliyyət daşıyır, beynəlxalq istiqamətlər üzrə maraqlarının və hüquqlarının qorunmasını, onların beynəlxalq əlaqələr üzrə fəaliyyətinin təkmilləşdirilməsi və ona nəzarəti təmin edir. Beynəlxalq əlaqələrin qurulmasında əsas prioritet universitet əməkdaşlarının və tələbələrin təcrübələrinin artırılması və inkişafı məsələləridir.

  • Məqsədlərimiz beynəlxalq əməkdaşlığın qurulması və inkişaf etdirilməsi;
  • Sahə üzrə beynəlxalq sənədlərin (saziş, anlaşma memorandumu, protokol, müqavilə) layihəsinin hazırlanması;
  • Universitet və ya struktur bölmələri tərəfindən dəvət olunmuş xarici ölkə nümayəndələrinin səfərlərini təşkil və bu işə rəhbərlik etmək;
  • Xarici ali təhsil müəssisələri ilə və beynəlxalq təşkilatlarla əməkdaşlıq müqavilələri və anlaşma memorandumları imzalanması və imzalanmış sənədlər çərçivəsində tələbə-müəllim-işçi mübadiləsinin aparılması;
  • Beynəlxalq proqram və layihələrin idarə edilməsi;

Beynəlxalq layihələr və qrantlar şöbəsi universitetin fəaliyyət istiqamətinə uyğun olaraq beynəlxalq təcrübənin tətbiqi imkanlarının araşdırılması, yerli və xarici müəssisələrlə, beynəlxalq təşkilatlarla, elm fondları ilə əməkdaşlıq edərək müxtəlif layihələrin işlənməsi və icrasını təmin edir. Layihə və qrant sahəsində qabaqcıl yerli və beynəxalq təcrübənin öyrənilməsi, qrant müsabiqə və beynəlxalq layihələrdə universtetin pofessor-müəllim, tələbə, inzibati heyətin məlumatlandırma işinin təşkili, potensialının artırılması, iştiraklarının təmin edilməsi də Beynəlxalq layihələr və qrantlar şöbəsinin prioritetlərindən sayılır.

         Şöbənin qarşısında duran öhdəliklərdən biri də universiteti, onun struktur bölmələrini, inzibati və akademik heyətini, tələbələrini beynəlxalq layihə və qrantlarda uğurlu iştirakı üçün potensialın artırılması məqsədilə layihələrin idarəedilməsi və digər əlaqəli mövzular üzrə təlimlərin keçirilməsini təşkil etməkdir.

     Beynəlxalq və yerli proqram və layihələrdə iştirak, həmçinin qrantların alınması üçün tələb olunan müraciət sənədlərinin hazırlanması sahəsində konsultasiya işinin aparılması, eyni zamanda  müraciətin tərkib hissəsi olan və elmi, təhsil, innovativ proqramlarda, qrant müsabiqələrində, beynəlxalq layihələrdə universitetin iştirakının uyğunluğunu təsdiq edən rəsmi sənədlər paketinin qaydalara uyğun hazırlanmasının təmin edilməsi də Beynəlxalq layihələr və qrantlar şöbəsinin qarşısında duran öhdəliklərdən hesab olunur.

     Yuxarıda qeyd olunan vəzifələrlə yanaşı şöbəyə dair elektron bazanın yaradılması, müvafiq məlumatların elektron bazaya daxil edilməsi, bazanın yenilənməsi; universitetdə və universitetdən kənarda keçirilən görüşlərdə, tədbir və ya seminarlarda iştirak, keçirilən tədbirlərin mətbuatda işıqlandırılmasının təşkili prosesini də şöbənin  fəaliyyət istiqamətlərindən biri  kimi qeyd etmək olar.

    Beynəlxalq layihələr və qrantlar şöbəsi şöbəyə daxil olan sorğuların icrasına nəzarət, şöbənin fəaliyyəti haqqında hesabatın hazırlanması, şöbənin 2022-2023 akademik ili üçün fəaliyyət planının layihələndirilməsi kimi funksiyaları icra edir.

Azərbaycan Dövlət Pedaqoji Universitetinin tərəfdaş olduğu Beynəlxalq layihələr haqqında məlumat Azərbaycan Dövlət Pedaqoji Universitetinin tərəfdaş qismində iştirak etdiyi layihələr: ERASMUS+ KA2 “Azərbaycan və Rusiya ali təhsil müəssisələrində tədris, təlim və qiymətləndirmə prosesinin daxili keyfiyyət təminatının təkmilləşdirilməsi” (İQAinAR- 2021/2024) “Rektorlar Konfransının yaradılması” (ECAR-2021/2024) “Azərbaycan universitetlərində Keyfiyyət Təminatı mərkəzlərinin yaradılması və inkişaf etdirilməsi” (EQAC- 2018/2021) “Azərbaycan universitetlərində Təlim və Tədrisin təkmilləşdirilməsinin təşviqi” (PETRA- 2017/2020) DAAD (Alman Akademik Mübadilə Xidməti) ilə birgə proqramı "Müasir təlim texnologiyalarına və beynəlxalq təcrübəyə əsaslanan yeni məzmunlu təhsilin Azərbaycan Dövlət Pedaqoji Universitetində tətbiqi" qrant layihəsi (2021-2023)

ADPU tərəfindən beynəlxalq standartlara uyğun təhsilin təmin olunması məqsədilə bir sıra xarici mütəxəssislər tədris prosesinə cəlb edilmişdir:  

  • Fulbrayt proqramı çərçivəsində 2016-2017 tədris ilində Valden Universitetinin dosenti Melda Yıldız “Kurikulumun idarə edilməsi”, “Təhsil sisteminin idarə edilməsi”, “Qiymətləndirmə, monitorinq və dəyərləndirmə” və “Filologiya” fakültəsinin tələbələri üçün “Müasir ingilis dili”, “Xarici dildə oxu və nitq”, “Orta oxu və nitq”, “Yuxarı oxu və nitq” və “Yüksək oxu və nitq” fənlərindən mühazirə demişdir.
  • 2018-ci ildə ABŞ-ın Bakıdakı səfirliyi ilə əməkdaşlıq çərçivəsində Lehigh Universitetinin professoru Jill Sperando universitetdə aparılan islahatları dəstəkləmək və planlaşdırmaq məqsədilə tədqiqatçı kimi çalışmış, müəllimlər üçün “Yeni öyrənmə metodları və təlim biliyinin qiymətləndirilməsi” mövzusunda seminarlar keçirmiş və tədris prosesinin modernləşdirilməsinə dəstək olmuşdur.
  • ABŞ Dövlət Departamenti tərəfindən “Fulbright English Teaching Assistant” proqramı çərçivəsində Prinston Universitetinin mütəxəssisi İan Duley Filologiya fakültəsində 2018-2019-cu ADPU-da ingilis dilinin tədris prosesinin təkmilləşdirilməsinə aid təkliflər vermişdir.
  • 2018 - 2019-cu illərdə, ABŞ Dövlət Departamentinin maliyyələşdirdiyi “English Language Fellow” proqramı çərçivəsində Diana Valey tərəfindən sillabusların tərtibi mövzusunda təlimlər keçirilib.
  • ABŞ Dövlət Departamentinin maliyyələşdirdiyi “English Language Fellow” təqaüd proqramı çərçivəsində ingilis dili mütəxəssisi Riçard Schlight tərəfindən 09.09.2019-01.07.2020 illərdə ingilis dili müəllimlərinin dərslərində müşahidələr aparmış, onların kommunikativ tədris bacarıqları və tələbəyönümlü fəaliyyətləri ilə tanış olaraq məsləhətlər vermişdir. Nəticə etbarilə, “İngilis dili müəllimliyi” ixtisasının tədris planı yenilənib.
  • ABŞ-ın Bakıdakı səfirliyi ilə əməkdaşlıq çərçivəsində, 2021-ci ildə ABŞ-ın Aviasiya universitetinin ingilis dili üzrə mütəxəssisi Embri Ridl tərəfindən universitetin müəllimlərinə “Akademik yazı” mövzusunda 3 aylıq onlayn təlim keçib.

Azərbaycan Dövlət Pedaqoji Universitetinin həyata keçirdiyi mübadilə proqramları çərçivəsində universitetin çox sayda tələbə və müəllim heyəti müxtəlif ölkələrdə  təhsil və təlim sahələrini əhatə edən təlim və seminarlarda, təcrübə proqramlarında iştirak edir.Mübadilə proqramları tərəfdaş olduğumuz universitetlər və müəssisələrlə imzalanmış müqavilələr əsasında həyata keçirilir. Elan olunan proqramlarda tələbələrin iştirakı seçim əsasında və ödənişsiz şəkildə həyata keçirilir.

Mövlanə:
Mövlanə Mübadilə Proqramı (MMP) – Türkiyə daxilində təhsil verən ali təhsil müəssisələri ilə ölkə xaricində təhsil verən ali təhsil müəssisələri arasında tələbə və müəllim mübadiləsini həyata keçirmək məqsədi daşıyır. Partnyor Universitetlərdən olan tələbə və müəllimlər qarşılıqlı olaraq bu proqramdan yararlana bilərlər. Mövlana Mübadilə Proqramı - tanınmış fars dilli şair, panteizm fəlsəfəsinin tanınmış nümayəndəsi Mövlana Cəlaləddin Ruminin şərəfinə adlandırılmışdır. Mübadilə proqramında iştirak etmək istəyən tələbələr ən azı bir, ən çoxu iki semestr təhsil üçün, pedaqoqlar isə ən azı 2 həftə, ən çoxu 3 ay müddətə Türkiyədəki ali təhsil müəssisələrində (ikitərəfli Mövlana Mübadilə Protokolu imzalandığı halda) dərs deməklə proqramdan faydalana bilərlər. Mövlanə Mübadilə Proqramında kimlər iştirak edə bilər? Mövlanə Mübadilə Proqramında Türkiyədəki bütün ali təhsil müəssisələrində (Mövlana Mübadilə Proqramı Protokolunu imzalamış olan ali təhsil müəssisələrində) qeydiyyatda olan hazırlıq, bakalavr, magistr və doktoranturada təhsil alan tələbələr, ölkə daxili və ölkə xarici ali təhsil müəssisələrində çalışan bütün müəllim heyəti də proqramda iştirak edə bilərlər. Mübadilə dövründə müəllimlərin akademik fəaliyyəti toplam altı saatdan az olmamalıdır. Müəllimlər tərəfindən həyata keçirilən fəaliyyətlərin saat olaraq hesablanmasında dərslərə əsas yer verilir. Dərs saatlarının həftəlik 6 saatı doldurmaması zamanı seminar, konfrans və diskussiyaların keçirilməsi kimi akademik fəaliyyət də nəzərə alınır. Dərs vermə fəaliyyətini nəzərdə tutmayan müəllimlərin mübadilə planları Mövlana Mübadilə Proqramı çərçivəsində qəbul edilmir. Mövlanə Mübadilə Proqramında iştirak şərtləri: Tələbə proqrama qoşulan ali təhsil müəssisəsində hazırlıq, bakalavr, magistr və ya doktorant olmalıdır; Hazırlıq və bakalavr tələbələrinin ümumi akademik orta balı 4 üzərindən ən azı 2.5 (100 ballıq sistemə minimum 65) olmalı; Magistr və doktorantların ümumi akademik orta balı 4 üzərindən ən azı 3 (yüz ballıq sistemlə minimum 77) olmalı. Proqrama müraciət edən tələbə seçdiyi universitetdən asılı olaraq, türk və ya ingilis dili biliyini təsdiq edən sənədə malik olmalı 50% dil göstəricisi (xal) +50% ortabal Hazırlıq və bakalavr pillələrinin birinci ilində təhsil alan tələbələr ilə elmi hazırlıq mərhələsində olan magistr və doktorantlar əsas təhsilə başladıqları birinci semestr üçün bu proqramdan faydalana bilməzlər. Tələblər sadəcə öz ali təhsil müəssisələrinə borclu olduqları təhsil haqqını ödəyirlər, mübadilə proqramı çərçivəsində gedəcəyi ali təhsil müəssisəsinə isə heç bir təhsil haqqı ödəmirlər. Qeyd: Mövlanə Mübadilə Proqramı çərçivəsində ölkə xaricində təhsil alan tələbənin aldığı dərslər Təhsil Protokolunda dərslərin uyğunluğu aydın göstərildiyi təqdirdə tələbə ölkəyə qayıtdıqda il itkisinə məruz qalmır. Türkiyənin ali təhsil müəssisələrində təhsil alacaq tələbəyə isə Ali Təhsil Şurası (YÖK) tərəfindən müəyyən olunmuş təqaüd ayrılır. Tələbələr alacaqları təqaüdün 70%-ni aylıq, qalan hissəni isə keçdiyi dərslərin müvəffəqiyyəti əsas götürülərək, uğurlu dərslərin ballarının ümumi almış olduğu dərslərə nisbəti nəzərə alınaraq ödənilir. Aşağıda göstərilən digər bütün xərcləri tələbələr özləri ödəyirlər: Nəqliyyat xərcləri Otaq və yemək xərcləri Tibbi sığorta və səhiyyə xidməti xərcləri Dərsliklər, geyim və şəxsi xərclər Pasport və viza xərcləri. Türkiyədə oturma izni Proqramın imkanları daxilində, Türkiyə qanunvericiliyində qeyd olunduğu üzrə gələn və gedən akademik heyətin səyahət vəsaiti ödəniləcəkdir. Ölkəsindən və vəzifəsindən asılı olaraq akademik heyətə ayrılacaq əlavə qrantları Türkiyə Ali Təhsil Şurasının İcra Heyəti müəyyən edəcək. Bakalavr və magistr tələbələr partnyor universitetdə bir semester və ya bir akademik il davam edən tədris proqramını davam etdirmək məqsədilə öz universitetlərinə müraciət edə bilərlər. Aydındır ki, hər bir universitet mübadilə üçün yüksək nəticələrə malik və kamil tələbələrin namizədliyini irəli sürəcəkdir. Mübadilə üçün nazmiədlikləri irəli sürülmüş hər tələbənin qəbulu üzrə yekun rəyi qəbul edən universitet bildirəcəkdir. Hər iki universitet mübadilə balansının qorunub saxlanması üçün mübadilə tələləbələrinin sayındakı natarazlıqların müəyyən edilməsi, lazım gələrsə növbəti il üçün tələbələrin sayının uyğunlaşdırılması məqsədilə proqrama illik olaraq yenidən baxacaq. Qəbul edən universitet məhdud qeydiyyat kurslarından tələbələri çıxarmaq hüququna malikdir. İstisnalar olmazsa tələbələr qəbul edən universitetin müəyyən etdiyi qaydalara uyğun olaraq dil bilikləri və digər qəbul tələblərinə cavab verməlidirlər. Tədris dili ingilis dili olan TC universitetləri üçün ana dili İngilis dili olmayan namizədlərdən İngilis dili biliyi üzrə müəyyən formal göstəricilər tələb olunacaq. Mübadilə olunan tələbələr qəbul edən universitetin bütün qanun və qaydaları ilə razılaşmalıdırlar. Mövlanə Mübadilə Proqramı çərçivəsində əməkdaşlıq etdiyimiz Türkiyə Universitetləri: Atatürk Universiteti (Erzurum, Türkiyə) Van Yüzüncü İl Universiteti (Van, Türkiyə) Qazi Universiteti (Ankara, Türkiyə) Çankırı Karatekin Universiteti (Çankırı, Türkiyə) Selçuk Universiteti (Konya, Türkiyə) Bülent Ecevit Universiteti (Zonguldak, Türkiyə) Alanya Alaaddin Keykubat Universiteti (Alanya, Türkiyə) Hacettepe Universiteti (Ankara, Türkiyə) Kafkas Universiteti (Qars, Türkiyə) Kastamonu Universiteti (Kastamonu, Türkiyə) Adnan Menderes Universiteti ( Aydın, Türkiyə) Iğdır Universiteti (Iğdır, Türkiyə) Ege Universiteti (İzmir, Türkiyə) Bolu Abant İzzet Baysal Universiteti( Bolu, Türkiyə)
Erasmus+

 

1921-Cİ İLDƏN TƏHSİLİMİZİN KEŞİYİNDƏ...

Müəllimlik şərəfli peşədir.

Ünvan məlumatları

Üzeyir Hacıbəyli, 68, Bakı, Səbail, AZ1000

Şəbəkəmiz

Kollec və filiallarımız ilə tanış olun

Xəbərlərə abunə olun

E-poçt ünvanınızı daxil etməklə məlumat əldə edin