Azərbaycan Dövlət Pedaqoji Universitetinin (ADPU) Şamaxı filialının təşkilatçılığı ilə 10 Mart – Mili Teatr Günündə Şamaxı Rayon Mədəniyyət Mərkəzinin səhnəsində Şuşa Dövlət Musiqili Dram Teatrı tərəfindən C.Cabbarlının eyniadlı əsəri əsasında  “Solğun çiçəklər” tamaşası nümayiş etdirilib. Tamaşada filialın rəhbərliyi, professor-müəllim heyəti və tələbələr iştirak ediblər.

Qeyd edək ki, səhnə əsərinin quruluşçu rejissoru Lalə Şirinova, quruluşçu rəssamı Valeh Məmmədov, musiqi tərtibatçısı Əməkdar artist Azad Məmmədovdur. Rollarda Rasəf Mehdiyev, Dürdanə Dünyamalıyeva, Xanirə İsgəndərova, Təranə Əliyeva və Zahid Mehdiyev çıxış ediblər.